Esther nih Yangon ah sui dawr a ngan tuk mi (Sein Nan Daw) cu record a tuah piak

Sein Nan Daw hi Yangon ah pariat a um i, kawl milar pawl nih sui an cawk biknak hmun a si. Yangon ah sui dawr pakhat 663 Mahabandoola Road, ah um mi (Sein Nan Daw) sui dawr hi a ngan tuk mi pakhat a si ve. Sein Nan Daw ngeihtu nih milar pawl hna cu a dawr chungah um mi sui hna cawngia tuah piak ding in a sawm tawn hna. Myanmar Idol winner a rak si bal cang mi hna zong a rak sawm cang hna. Cu lawng si lo in kawl model le milar, hlasak thiam pawl tampi a rak sawm cang hna, natein Esther bantuk in record a break mi an um bal lo. Myanmar Idol season 4 winner Esther cu Sein Nan Daw ngeihtu nih a dawr chungah sui hna cu cawngia tuah piak ding in a sawm hna. Esther nih cawngia a tuah piak hnuah an facebook page like le share nih record a tuah. Esther nih cawngia a tuah hlan ah facebook page a like mi hi minung 2,200,450 hrawng an si, Esther nih cawngia a tuah piak hnuah facebook a liked mi hna cu 2,215,907 an kai cang. Esther nih an thil zuar mi sui cawngia a tuah hnuah minung 15457 nih an vun liked piak tthan hna. Esther thawngin a like thar mi an um chin lengmang lai tiah zum a si.  Midang milar, Idol winner le hlasak thiam pawl nih an dawr chungah sui an zuar mi cawngia an tuah piak lio ah mah bantuk in an facebook page a liked mi an rak um bal lo.

 

Be the first to comment on "Esther nih Yangon ah sui dawr a ngan tuk mi (Sein Nan Daw) cu record a tuah piak"

Leave a comment

Your email address will not be published.


*


error: Content is protected !!