MMID 4 ah Esther dirhmun a tha ti lo, fiangtein a vun chimh cang ko hi

Esther nih mah bantuk in bia a vun chimh cang mi cu ka ngaihchiat ngai, mah bantuk in bawmh a herh lio caan ah mipi lei nih zeihman thawngpang a um lo mi cu amah esther caah cun ngaihchiat tuk mi a si. Biachimnak hmanhah ” mah cu mah, mi cu mi” ti a rak si tawn. 2019 Myanmar Idol Season 4 zuamnak ah Esther Dawt Chin Sung cu nihin tiangah judges hmai ah mithmaitha a hmuh khawh rihmi hi Pathian thawng a si. Kan hnu zarhah khan alaihritlai Laimi ramchung ramleng ummi hna sinah thlacamnak in thazaang pek cio dingin sawmnak a rak kan tuah. Cu ah cun voting no. 77708 asi zong fiang tein a kan chimh dih. Anmah pumpak in mee ka pe u tiah sawmnak hi athianglomi a si. Thazaang petu cungah lunglomhnak biachim cu athiang.

Tuzan zongah Esther cu zuamnak ah dir than cang lai. Thlacamnak zongin bawmhnak hal piak hna u sihlaw, Laimi ramchung.ramleng zong nih Esther Dawt Chin Sung mee peknak No. kan theih dih cang ko caah thazaang pek hi daithlang hna hlah u sih. Mi le Mah timi hi thleidan thiam ngai ngai a hau. Tutanah Esther Dawt Chin Sung hi cawisan caan a si. Amah timeline in lunglomhnak bia kan sinah a chimmi hi hnacheh caan a si ti lo.

Nikum ah kan farnu Ni Len Parmawi cu biatak tein rak dirpi a si. Online ah Ni Len kong akhat bakin a rak khat. Kha bantuk ding kha  si. Cu nih alanghtermi cu Ni Len kan dirpinak langhtertu an rak si. Tukum zongah Esther cu kan dirpi than hna a hau. Tuzan zan suimilam 11pm in mee pek khawh than a si cang lai. Esther Dawt Chin Sung hi tuzan zongah Pathian nih dirpi than rih ko seh.

Be the first to comment on "MMID 4 ah Esther dirhmun a tha ti lo, fiangtein a vun chimh cang ko hi"

Leave a comment

Your email address will not be published.


*


error: Content is protected !!