Fawi Tein Pawpi Cancer i Khamhkhawh nak Lam Tha bik

Tutan i kan rak langhter mi hi ngandamnak lei caah mipi ca thathnem nak a chuahpi tu taktak a si i ti din sawhsawh silo in tilum din a that nak a si . Tilum din hi mi tampi nih cun zing thawh ka te din lawng an chim nain tihal can poah ah tikik din ding ai ah tilum na din khawh peng a si ah cun zeitluk in dah na taksa caah a rak that timi kan rak langhter lai .

1.Taksa a rit mi a zan ter dih : A thau cang mi le a taksa a rit tuk mi pawl nih weight thlak duh ah cun tilum din a rak tha taktak . Zingka thawhka te i na din tawn mi tilum chung ah khan tan-pha-za pum kha na chiah lai i na din ah cun na taksa chung i a um mi na thau pawl kha a zor ter dih pin ah na rih zan zong tampi a tum ter fawn lai .

2.Hnar pit le hrom pah a dam ter colh ” Tilum na din nak thawngin na hnar a pit mi le na hrom a fak mi cu fawi tein a dam ter khawh colh lai .Thawchuah ai harhmi pawl ca hrim ah tilum din cu a thakhun ti a si fawn .3.Tilum din nak nih nupawl thichuah can i pang a fak mi a dam ter khawh dih fawn .4.Taksa fah le ruhkhuafah vialte a dam ter : Tilum na din ah cun na thlan a chuak lai i cu na thlan a chuak mi nih cun na taksa a fak mi le na ruhkhua a fak mi a damter lai.

5.Tilum din nak thawngin vun a that ter : Minung kan taksa kan vun hi a kan noter tu le a kan tar ter tu bik a si . Tilum a ding peng mi cu an taksa vun a reng i an tar a har khun ti a si .6.Hmai arsik le hmaibo a chuak tawnmi a dam ter 7.Tilum din nak nih kan lucung i luval vialte a reh ter i lu thakmi zong a daih ter .8.Thisen kal a that ter pin ah kan thahri zong a thawnter i kan taksa fah a damter .

9.Tilum din nak nih kan rawlei mi kan pawchung ah a siamremh : Rawl eikhawh i tikik din khi tih a nung tuk mi a si , zeica tiah tikik kan din mi nih kan rawlei mi kha kan pawpi kam tete ah a benh ter caah pawpi cancer tiang a chuahpi tawn ti a si . A si nain tilum kan din mi nih cun cu vialte cu a thianh dih i pawpi a dam ter .

Source : Myanmardailynews

 

Be the first to comment on "Fawi Tein Pawpi Cancer i Khamhkhawh nak Lam Tha bik"

Leave a comment

Your email address will not be published.


*


error: Content is protected !!