Good News- KIA nih kawl ralkap motor 3 ceilak in an kah piak than. KIA lei a thi mi cazing

Ral a tho tak tak cang, KIA pasal pawl nih Alaw Bum Liza ah ralkap camp cu an lak piak hna ti kan tial cang kha. Mah Alaw Bum Liza camp hi kawl ralkap caah le KIA caah hmun hma rem tuk mi, a biapi tuk mi a si,

ma hmun hi ramding in ei le ding phorhnak lam a si caah a biapi tuk mi a si. Nihin i kahnak update thar ah cun Kawl ralkap nih mah Alaw Bum Liza camp lak than ding in vanlawng hmangin KIA ralkap an va tuk than hna.

Mah Alaw Bum Liza hi kawl ralkap nih sungh an duh bak lo ti a lang cang. Nihin April 12 Kachin ram raltuknak update thar nih a langter ning ahcun, Zing lei suimi 7 thawk in Kawl ralkap le KIA hna cu Law Bum Liza ah an nih kah cang i,

mah hmun Alaw Bum Liza hi kawl ralkap nih jet fighter pakhat hmangin KIA pawl an bomh hna tiah thei a si. Zahan zankhuadei in an i kah,

KIA nih sungh an duh bak lo mi a si, heh tiah an kah than hna i, Kawl ralkap motor 3 cu ceilak in an kah piak than hna i, a thih mi cazing thei khawh a si rih lo. KIA lei zong a thih mi an tam ngai cang

Nihin ah an dirhmun langter a si rih lo, March 25 thawk in April 11 tiang KIA le kawl ralkap i tuk ruangah KIA lei a thi mi cazing an langter mi ah, KIA ralkap lei minung 250 an tih ve cang. Mah hi, March 25 in April 11 tian a thi mi cazing an langter mi cu a si. Credit-RTK

Be the first to comment on "Good News- KIA nih kawl ralkap motor 3 ceilak in an kah piak than. KIA lei a thi mi cazing"

Leave a comment

Your email address will not be published.


*