Hakha le Laitlang hmun dangah lii a hning tuk mi ruang an chim mi hi a si kho mi a si cang, tiih nung tuk cang ko hi; Chinmi kan lungput kan thlenh a hau cang

Chinmi hi Pathian a bohchantuk mi le zumtu tha kan si kan ti tawn natein atak tak ah cun lih le hrokhrawl lawngte a si, Pathian nih zumtu a kan cawnpiak ning ah cun na ral kha va dawt tiin a kan cawn piak tawn, natein Chinmi cu kan ral cu chim lo kan unau a si mi a zawt mi hman kan dawt kho hna lo. Atu lio Coronavirus ruangah vawlei ramkip a buai, cu ve bantuk in kan chinram chungah covid in a zawtmi an um cang, covid in a zawtmi pakhat zohkhen hman hi zeitluk in dah a har, cu lio ah Tidim ah a damlo mi cu Falam le Hakha siizungah thial dingin ti a si,

natein an duh lo, Cun tidim ah pali an si cang, sibawi pawl hna zeitluk in dah an bah lai i zaangfah an si lai, Kalaymyo ah thial ding in an ti, natein an duh tthan lo, cun Covid bomhnak ah thil a hman lo mi a tampi a um tthan hoi. Cun dawr ngeitu tampi nih Coronavirus thawngpang kan thei cangka tein facang man an kai ter thluamh hoi,  Cun Pathian thawngtha chimtu hna tazacuai an si i, fakpi in soisel an si tthan, cucaah tutan lii hning hi Chinmi caah ralrinnak a si tiah khuaruah kho mi tampi nih an chim mi a si. Lairam dawttu

Lii hning thawngpang cu mah bantuk hi a si…. Mah thawngpang hi tu nai theih kan theih mi asi’ Hakha mipi cu lung rethei in an um hna mah bantuk in laitlang chung ah lii hning timi hi, Mah tluk fak in hin a um bal lo tutan hi voikhat nak a si caah mipi zong khuaruahar in an um hna, Pathian thil tum mi hi minung nih kan theih lo caah.

Hakha khuasa mipi caah biatak in thlacam kan bawm hna a herh ko’ Minung tampi cu lung rethei in an um lio asi. Tu tan lii a hning dan cu zeitluk in dah a cak i a thawngh tiah cun, Innleng ah ti an chiah nak pung ngan pipi zong ai hning dih i’ Tizong a chawih dih tiah thawng kan theih.

Cu lawng silo in innchung ah cawbuai thil an chiah mi pawl zong a tla dih hleiah, An inn chung thilri an chiah mizong a tla dih tiah thawngpang theih asi, Mipi cu an khuaruahar cio ko mah bantuk in hmailei ah a um sual ah cun Hakha caah hin tih a nung kho mi asi caah.

Ho poah nih thlacam kan bawm cio hna a hau ko’ Tu lio mah kong he pehtlai in zawtnak tha lo ruang ah mipi kan buai cuama lio ah mah bantuk lii hning nak thawngpang tih nung a van um than tikah hin’ Hakha mipi caah cun thil fawi asi lo caah, Kan umnak hmunhma cio in thlacam bawm cio hna a hau mi asi caah’ Mah thawngpang hi mipi theih awk ah ka van tial mi asi, Pathian tu nih Hakha mipi cu veng hram hna sehlaw, harnak le buainak chung in kham hram ko hna she, An caah thlacam pilh loding in nawl nan si mah thawngpang hi Hakha um mi hna sin in theih mi asi.

Be the first to comment on "Hakha le Laitlang hmun dangah lii a hning tuk mi ruang an chim mi hi a si kho mi a si cang, tiih nung tuk cang ko hi; Chinmi kan lungput kan thlenh a hau cang"

Leave a comment

Your email address will not be published.


*


error: Content is protected !!