Hatawl nak Hasii Ruang ah Cancer Zawtnak Ka Ngei Sual Lai Ti A Phang Vemi Na Si Ah Cun Hi Ca hi Rakrel Law Na Hnangam Cang

Haatawl nak ha sii a tanglei te ah khin kil 4 a ngeimi colour dang dang an cuanter mi na hmuh tawn ko lai , a nak , a hring , a sen a pia ti in an langhter tawn . Hi kong he pehtlai in mi tampi nih theih an i palh i haasii ah hin poison an telh chih mi a um caah hman lengmang ah cun kaachung lei caah cancer a chuahpi khawh pin ah pawpi ca tiang tih a nungmi a si tiah a chim mi tampi an um .

Culawng silo in mi thenkhat nih cun a hringmi khi zeihmanh cawhlo mi le a mah haasii te lawng bak in chuahmi haasii tinak a si i , A pia zawng khi cu haasii taktak le thildang tlawmpal cawh chih in siam mi a si tinak a si . Asen mi le a nak mi colour khi cu haasii le thildang cawhchih in tuahmi a si caah Haasii cawk tik ah a tanglei te khi zoh hmasa hnu ah ralring tein cawk a hau tiah a diklo mi pi a chim mi le mi thinphan nak a chuahpi an um .

Asinain hi vialte hi pakhat hmanh a hman lo mi a si i Haasii tuahtu compny lei nih an mah website ah an langhter ve mi cu haasii a tanglei i cuanter mi khi a cawtu le a hmangtu caah cun zeihmanh a si lo i , a chuahtu company lei nih an riantuan nak ah a fawi deuhnak ding ah chinchiah nak ca men i an rak tuahmi a si nak kong an langhter ve than .

Haasii a ttuh ka hman ah cun cancer zawtnak hna ruahlo pi in ka ngei ve sual lai ti a phang mi tiang an um cang i thil diklo le thil silo mi ruang ah mah le mah lungre theih i pek le thinlung thaba in um hi a thalo tuk mi a si caah , mipi caah theihkauh nak a si lai tiah siaherhnak he kan leh i kan rak langhter mi a si . Cucaah siaherhnak thinlung te heb midang caahb rak share kho ve law kan i lawm ko hnga .

Source : Myanmartodaylif

Be the first to comment on "Hatawl nak Hasii Ruang ah Cancer Zawtnak Ka Ngei Sual Lai Ti A Phang Vemi Na Si Ah Cun Hi Ca hi Rakrel Law Na Hnangam Cang"

Leave a comment

Your email address will not be published.


*