Hi nungak Kum 23 nu nih hibantuk thil atawn micu mi tampi an zaangfahtuk cio.

USA indiana state i khua a sa mi nungak Jasmine Triggs kum 23 nu cu online ah tlangval thar a ngei i, ni 7  an i duh hnuah i tawn ding in hnatlaknak an tuah i, Jasmine nih cun cu a umnak indiana  in cun 1,500 mile aa hlatnak Houston Texas a tlangval pa a umnak lei ah va tawn ding in vanlawng in aa thawh i, cu a tlangval pa a umnak khua a phak le cangka in cu a tlangval pa nihcun a number le an i pehtlainak vialte cu a block dih caah, airport ah dawntu ngeilo le  zeituah awk hngal lo thinlung kekkuai in a um.

Jasmine Triggs hi businesswoman a si i, Baking company ngeitu zong a si, amah nih a chim ning ahcun, hi pa hehin zarhkhat cung online in tha tein dawtnak bia kan i ruah, saduh kan thah in biakamnak kan ngei hnu ah ,hi pa nihhin Texas lei ah vatawn dingin a ka sawm caah atu hibantuk in Texas ah ka rat hi asi, Cu a tlangval pa cu Jamal tiin thei a si tiah a chim.

A sin va panh ding in ka thawh lai te zong ah kan i chawn ko, airport  zong ah kan don lai tiah tha tein a kati, hipa ka zumhnak a ruang cu kan i hngalh le cang kain nifatin phone kan i chawnh, mi sawhsawh ka si lo Robotics Company ah cheerleader a rak tuan bal cang mi zong ka si ati ati, na rat lai ka ngaih tuk cang, ka sin na rak phan tikah , kan umnak ding room zong thian tein ka chiah piak tiah cang tiah a kati, zingka a a si vapanh ding in ka thawh lai te ah tha tein kan i chon ko nain ka va phak vanlawng a tum hnu ahcun ka call i a ka block cang tiah a tweeter a konglam a tial i , minung tampi nih an zaangfah tuk cio. daily mail.com.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Hi nungak Kum 23 nu nih hibantuk thil atawn micu mi tampi an zaangfahtuk cio."

Leave a comment

Your email address will not be published.


*


error: Content is protected !!