Hitluk a pumrua a tha mile thazaang a ngei mi zong nih Covid-19 in a luat hleilo.

Ukrain pa body fitness lei amin a lar ngai mi , fitness atuahnak ahmanthlak  Instagram ah apost i mi tampi nih an uar ngai mi Kum 33 pa cu Covid-19 rai nih atlunh va caah a nunnak a liam, hipa a thihnak ahhin aram mi tampi cu an lung afak piin ah Covid-19 ngakchia le upa ca lawng ah ttih arak nung lo hita tiah mi tampi nih an hmuh.

Hi pa hi a min ah Dmitriy Stuzhuk a si i, Instagram ah followers one million nak in tam a ngei mi asi mi pumrua tha, le a thazaang a thawng lio caan te a si i Covid-19 a ngei hlan ah a instagram ah a Follower hna cu Covid-19 hi a um lo tiah a rak chim bal, nain coronavirus nih a van kai taktak ve tikah anunnak nih a tuar kho ve hlei lo caah atu bantuk in anunnak a sung hi a si.

Report nih alangter ning ahcun Dmitriy hi avoi khatnak Covid-19 zawtnak a ngei lio ahcun sizung ah a um i, a dam tthan hnu ah sizung a chuak mi a si, nain a tu a voihnihnak nih a van kai tthan tik ah a voikhatnak nain a pum a zawtning a zual deuh caah sizung a va panh than i a nunnak an khamh kho ti lo tiin a nupi Sofia Stzhuk 25 nih theihternak a tuah. Daily Mail.com

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Hitluk a pumrua a tha mile thazaang a ngei mi zong nih Covid-19 in a luat hleilo."

Leave a comment

Your email address will not be published.


*


error: Content is protected !!