Hmundang Ah Rian A Tuani A Pasal nih Hi Hmanthlak Ruang ah Hin A Duh Bikmi A Nupi Cu A Then Colh (Relnuam Ngai A Si Hih)

Vawleicung minung vialte nih a lo in kan um khawh tilo mi cu Mobile phone hi a si ti usih law kan palh theng lem lailo. Portugal ram ah nupa hna cu hmun dangdang ah an um karlak ah an phone hmang cun an hmanthlak tete le an can hmang ning le an thil tuahmi tete cu nitin in an i kua zungzal i hmunkhat um timi bantuk tein an thinlung ah cun an i ruat kho ti awk tluk in an um i an hna a ngam .Sihmanhsehlaw nikhat cu a nupi nih hmanthlak pakhat a kuatmi ruang ah cun an nupa karlak ah then nak tiang a chuahpi phah diam ai.

A wave crashed over a couple during their beach wedding photo shoot -  Insider

An nu hi muidawh le duhnung ngaingai a si i , a nungak lio ah hin mi hmurka tlawmte a si i ningzah pang ngai a si . Tlangval zong a ngei bal lo mi a si i a hawile nih cun tlangval kawlnak application pakhat “It’s a Match” timi cu an download ter ve .Cuti cun cu application hmang cun mi tampi he ai chawn bia ve i nungak dang bantuk cun pa tampi nih heh tiah zahmawh kong hna an van kuat an van ceihpi i an rak chawnhpiak cio . Asinain a hohmanh a thinlung ah a chia kho hna lo ,a donghnak ah cun Thomas timi pa nih a rak pehtlaih ve i cuti cun Thomas he tu cun tha tein an i chawn bia . A tak in i hmuh zong an duh caah bar pakhat ahb a voikhat nak an i hmu.

Holiday insurance for couples: What you need to know

Cuti cun an hmanthlak he pakhat hmanh i dan nak zong an ngei lo i an pahnih an i hmuh ah cun an lung tling veve i voi 5 tiang an i hmuh hnu ah cun an i duh ve lawlaw .An i duh hnu ah cun Thomas nih cun ai hruhpi ti awk tiang in Iris cu a duh cang i hmunkhat te ah khual tlawngti ding in a sawm i an khual tlawn nak ah cun cantha la in nupi ding ah thit a duh nak kong cu a chimh .Cuti cun Iris zong nih cun kan i ton nak zong a nai tuk rih a ti ko nain Thomas cu a duhmi pa a si ve ko caah thitumh dingin a sawm nak cu a el ve lemlo i an pahnih cun an i duhnak thla 2 a rauh bak ah an i um.

Who are the best couples on TV? - The Boar

An puai zong hi hlunghlai ngai in tuah an duh lo i an mah pahnih le kutsih tu le an chungkhar le an hawikom neihniam taktak tlawmte he cun puai cu an tuah .An i umh hnu ah cun ai duh bak in ai um mi an si bantuk in an i daw tuk i nuam ngai in can an hmang ti i zarhchiar weekend an hmang i hmun dang dang ah an tlawng lengmang . An pa hi muidawh tuk a si lo nain mi duhnung le mi fel a si i an nu zong cu nungak za bak a si tik ah an pahnih cun an i rem ngai i an karlak ah mi zeihmanh buaiter tu le then ter tu an chuak kho lai tiah zumh a rak um lem lo ,asinain zumhnak lawngin thil hi a rak kal ruam loh .Thla 6 hrawng an i umh hnu ah cun an phaisa ngeihmi vialte khawm in le loan tlawmpal lak chih in an mah um tawkte inn pakhat cu an i cawk ve i an hlanmi apartment cu an chuahtaak ve.

Tips for Handling Your First Holiday Together as a Couple | SELF

Zeizong vialte an tluang tilio ah cun vanchiat ah an pa Thomas riantuan nak company ah cun an sipuazi a tlaktuk caah riantuantu minung tampi an phuah hna i culak ah cun an pa Thomas zong cu aa tel ve .An pa rian atuan tilo hnu phaisa luhnak an ngeih tilo hnu ah cun lungre thei in an nupa cun an um i an karlak ah buainak tete nih hmunhma a van lak i thil fa tete ah i sik le i el nak a chuak lengmang cang .Thomas cu riandang hmuh khawh nak ding ah a sikhawh chungin rian cu a kawl than i vanthat ah insurance agent rian tha ngai a hmuh than . Asinain a zarh zarh hna in khual tlawn a hau cang i an nu he cun hmunkhat ah an um ti kho tuk ti lo . Zarh donghlei lawng ah hin an nupa cun an i hmu kho cang.

The comprehensive guide to couple travel

Thomas cu rian ah ai zuam i phaisa zong a hmu kho ngai ngai , a riantuan nak ah hin nungak dang pawl nih an rak uar ngai i zankhat hna cu nungak pakhat nih na caah ka sining dihlak kai siang tiah riahpi a sawm nain Thomas nih cun nupi ngei cangmi ka si tiah ningzak ngai in a tuah i a el , an nu caah cun zumhtlak tein a um zungzal i a thinlun gin saduh a thahmi cu rian hi tha tein ka tuan lai i phaisa tampi ka hmuh lai i ka nupi hi nuam tein ka chiah lai timi lawng a ruah khawhmi a si .Thomas hi cathiam le experiance ngei a si bantuk in Insurance agent rian a tuan pah zong cun riandang a kawl pah lengmang thiamthiam i vanthat ah rian tha ngai pakhat a hmuh than . Cu a hmuhmi rian cu an nu he hmun dangdang ah um hau tilo in an um nak pawng te ah a um mi rian a si caah ai lawm khun.

An nu he hin zarhdongh lei lawng ah an i hmu kho tawn i phone hmangin an hmanthlak tete an i kua lengmang .Nikhat cu Thomas nih cun rianthar a hmuhnak kong cu kan nu ka chim lai a ti i ca a kuat , an nu nih a hmanthlak pakhat a van kuatmi cu a zoh tik ah a rianthar kong hmanh chim manh ti lo in an nu then nak thinlung nih a thinlung ah hmunhma a lak colh .Cu hmanthlak ah cun an nu nih cun an i umhnak zungbunh ai bunhlo i zungbunh dang ai bunh . Culawng silo in an nu itkhun tang lei ah cun pa pakhat a kut a hmuh chih fawn .

A mah nih a nupi caah harsa ngai in rian a tuan lio ah innlei ah a nupi vial padang he nuam ngai in khua an rak sak mi a ruah tik ah a thih tiang a ngeihthiam khawh ti lailo ai fiang tuk ve i court ah an nu then nak ding ca cu a tuah .An nu he an i then hnu thla tampi a rauh hnu zong ah a thinlung tuar nak cu a zia hleilo i hmundang tal ah ka thaw vai i chuah ning a ti i khual a tlawng i cuka ah cun a tleirawl lio i a rak komhmi a nungak nu thing Angle he an i tong i an pahnih in karhlan tti than an i tim ve . Source Dailymail

 

Be the first to comment on "Hmundang Ah Rian A Tuani A Pasal nih Hi Hmanthlak Ruang ah Hin A Duh Bikmi A Nupi Cu A Then Colh (Relnuam Ngai A Si Hih)"

Leave a comment

Your email address will not be published.


*