Hngakchia ( Bawhte)khuaruahtam Ni (40) I A Upa Mi A Zuartu Nupa Hna Cu!

China, Huashan, Anhui Province i a ummi nupa hna nih an fate ni 40 i upa micu £18,000 zatin an zuar. Online chungin an zuar i nutling kum 43 mi Ms Xu nih a cawk hna.

Ms Xu nihcun police sinah tihin a chim, fa neih ka duhtuk i ka neih khawhlo caah mifa ka cawk nak hi a si a ti. October 30, 2020 chunah an i caw i innlei a lawi pah ah police pawl nih an rak tleih, a cawlcangh ning ahcun police nih an lunghrinh colh i an zumhlo ruangah an tlaih nak hi a si, an lunghrinh bantuk tein bia an hal i thupphen lo ten ai phuang colh.

November 3, 2020 chun ah naute zuartu Mr Liu le Ms Zhang cu an hawl hna i an hmuh hna in police sakhan ah an hruai colh hna, hihna nupa nihhin fapa kum 2 mi le kum 7 mi an neih hna.

A nupi nau a pawi in chungkhar pacem zong Covid-19 ruangah rian a ṭuan kho tilo i tangka hmanawk an ngei tilo an harsat tuk ruangah an fate an zuarnak kong cu police sin ah an chim.leiba zong tamngai an ngei tuan deuh zong ahkhan nutling pakhat nu nih cawk a rak timh cang hna nain a cawtu nu fa taktak si ding i register an tuahkhawh lo ruangah an i caw kho tthan lo.

A voihnih nak ahcun Ms Xu nih a cawk i police pawlnih an tleih colh ve, naute nulepa le a cawtu zong hngakchia tleihhrem le, hngakchia zuar case in an tleih hna. China ram i hngakchia zuar pawl cu kum 5-10 chung thawng an thlak hna, cun an case sining zohchom in thihdaan pekkhawh an si. (Daily Mail)

Be the first to comment on "Hngakchia ( Bawhte)khuaruahtam Ni (40) I A Upa Mi A Zuartu Nupa Hna Cu!"

Leave a comment

Your email address will not be published.


*