Hngakchia an fir i, an lung, Thin le kal a zuar tawntu hna cu tlaih an si. Hngakchia an fir ning hi tih nung bak a si

Hngakchia tlaihhrem hi a tam chin lengmang ko cang. Palik pawl nih fakpi in rian an ttuan ko natein hngakchia tlaihhrem hi a tam chin ti khawh a si. Burma ram ah hngakchia tlaihhrem hi a tam ngai tawn i, a thlaihhremtu pawl hna hi palik sin ah report an tuah ko nain fawi tein tlaihkhawh an si ti lo

Shan State, Kut Khai khuah hngakchia fir hmang mi 5 lakah an hruaitu bik Shan Lay, Aih pu cu palik nih an tlaih. Palik nih bia an hal lio ah Shan Lay nih a chimh ning ah cun, Hngakchia hna hi an duh mi thil lentecelhnak tunu (dolls) kan cawk piak tawn hna i, cun mah dolls kha an vun tawn tikha a chungah sii (chemical) kan chia mi rim kha a vun chuak i, an thluak ah rian a ttuan i, an hngakhnak kha a buaiter hna, cun kan duhnak hmun ah kan kal pi tawn hna tiin a chimh

Cun China sibawi an agent sin ah hngakchia lung le kal hna cu an zuar tawn tiin a chimh. Mi pakhat lung le kal an zuar mi hi China tangka in 5000 in 20000 tiang an zuar tawn.  Cun Thin (liver) pakhat hi China 15000-50000 tian an zuar tawn tiin a chimh. Atu an tlaih mi hna hi hmun dang dan ah agent a ngeih mi an si caah kan fa le kha ralring tein kan zohkhen a herh ngai

Source: Chin Special Media

Be the first to comment on "Hngakchia an fir i, an lung, Thin le kal a zuar tawntu hna cu tlaih an si. Hngakchia an fir ning hi tih nung bak a si"

Leave a comment

Your email address will not be published.


*


error: Content is protected !!