Hngakchia kumthum hrawng (Victoria Case) a si lio mi tlaihhrem kongah thawngpang tha tuk mi a chuak cang

VICTORIA CASE : December 17-ah khan  Myanmar khualipi Naypyitaw chungah a ummi Dekkhinathiri District Court nih  “VICTORIA” tlaihhremnak he pehtlaiin fianternak  CCTV hard dish in a tlaumi cu hmuh tthan a si khawhnak lai a herhmi poah tuah an i tim.

CCTV System Camera  nih Video  a rak record-mi cu, Vitoria tlaihhrem a sinak sianginn Wisdom Hill Nursery School-ah Technician riantlai Ko Yan Naung Htay nih CCTV Recorder hard drive in USB Stick(pendrive)-ah  copy a rak tuahmi cu Police sinah a ap cang. Ko Yan Naung Htay nih hard drive police sinah a apmi cu, police pawl nih Nursery siangiin ngeitu sinah an pek tthan hnu-ah hard drive cu Court-ah rak ken tthan a si tibantuk in thil kal ning si dawh a si. Victoria nih vanchiat a tonni video record pawl cu hard dish in a tlau dih. Victoria lawyers nih hard dish cu ttha tein zoh tthan dingin court a rak nawl.

Lawyers nih a chimchapmi cu, “Ttha tein zoh tthannak nih hin caan a duh lai, ni khat chungah dither khawh a si lai lo,” tiah Court a chimh hnuah court nih lawyers nawlnak bantukin ttha tein zoh tthannak ngeih a sianh, sihmanhselaw, zohtthannak nih a fiantermi cu zapi nih cohlan khawhmi bia hmaan a si awk a si tiah fiangte in lawyers cu an chimh. Sihmahselaw, CCTV fianternak court i an apmi USB Stick-ah  videos 11, May 16 thawkin a um.  Victoria vanchiatnak a tonni zong a tel.

Lawyers CCTV files USB Stick-ah  an copy-mi  video hmutu nih a chimningah cun, “Video cu hmun thumah corrupted a um, video a corrupted caan hi minutes 11, minutes 8 le minutes 5 hna an si. Corrupted video pawl hi chunhnu le zanlei-ah  a si tiah a chim. Victoria lawyers le zapi a ttanhtu pawl chimningah cun December 17-ah khan Court Technician nih video a tlaumi pawl cu hmuh tthan a si khawhnak lai ai zuam pinah zeiruangah dah file pawl cu rawh(corrupted) ti zawng a kawl lai an ti.

Be the first to comment on "Hngakchia kumthum hrawng (Victoria Case) a si lio mi tlaihhrem kongah thawngpang tha tuk mi a chuak cang"

Leave a comment

Your email address will not be published.


*


error: Content is protected !!