Hngakchia pa thil tuah mi nih kawlram a hninh; Yangoon mipi nih an vun theih cu mak an ti tuk

Yangon siizung pi hmai ah hngakchia pa nih thil tom pakhat arak hlonh i atli colh. Zeihmanh chimtak loin an ka hmuh sual lai ti phang in azam colh. Asinain siizung riantuan pakhat nih lunghrinh in ava zoh . A chung avan zoh cu lungthin tampi atongh. A chung ah Hand Gel lawng te arak khat , ca atial mi cu Doctor hi Hand Gel  hi kan hawikom he tangkaa kan i khon mi in kan hlutmi asi.

Cun Doctor pawl nan ngandamnak tha tein zohkhenh uh. COVID-19 khamnak  caah Doctor kan in bochan ko hna tin atial. Hi Hand Gel hi athat le that lo cu ka thei lo nain kan si khawh tawk in tel kan duh caah asi tin atial.

Chin Ramkulh Cozah nih COVID-19 Outbreak ca ah lakhruak hman ding tangka 1 billion hman ding timhtuah>>>> Chinram zong ah  COVID-19 Outbreak (ruahlopi in ton sual) tiang kan phak sual a si ahcun lakhruak hman ding tangka  1 billion hman ding in timhtuahnak kan ngei tiah Ramkulh COVID-19 Runvennak Committee lutlai Minister Pu Pau Lun Min Thang sin in kan theih.

Tangka 1 billion Outbreak ca ah an chiah mi kong he pehtlai in Minister Pu Pau Lun Min Thang nih, “Tangka 1 billion Chin Ramkulh ca ah hman ding in timhtuah a si. Asinain, 1 billion hi lakhruak (emergency) a can i a herh taktak caan lawng ah kan hman lai,” tiah a chim.

Chin Ramkulh Peng kua chung ah COVID-19 i runven khawh nakhnga Ramkulh Cozah nih Peng khat ah tangka sing 20 cio bawmhnak a pek hna lai tiah kan theih. “Cun, Outbreak kan ton sual i lakhruak (emergency) tiang kan phak sual a si ahcun hman ding tiah Ramkomh Cozah sin ah a hlankan tein rak hal mi a si. Outbreak tiang kan phak a si ahcun hman khawhnak nawl Ramkomh Cozah nih an kan pek cang,” tiah a chimchap

Be the first to comment on "Hngakchia pa thil tuah mi nih kawlram a hninh; Yangoon mipi nih an vun theih cu mak an ti tuk"

Leave a comment

Your email address will not be published.


*


error: Content is protected !!