INDIA Le MYANMAR RAM RIAN TUANTINAK LE RAMRI TTHANCHONAK AH HLAWKNAK TAMPI HMUH KHAWH ASI.

Kumthum chung India le Myanmar Border ramri Area tthangchonak le riantuan tinak ah Project tampi tuahdiang an ngei, Lam le hlei le siang inn tuah ding hi an timh mi an project cu a si. Nai ahkhan India nih Myanmar cu US $ 5million cu kan hnu thla August 28 ahkhan apek.

Myanmar Times nih a langter ning ahcun  India le Myanmar cu 2012 lio ahkhan  Prime  Minister of india nih Myanmar cu a tlawng i cu lio ahcun  India le Myanmar border Area Development ah riantuanti ding in min thut hnatlaknak an rak tuah .

Caan saupi rian an tuanti hnu ah india nih Myanmar ram cu Chin State le Naga Self – Administered zone tthanchonak caah US $ 5million a bawmh, KumThum chung Projects an ngei nak ah Lam le hlei 9 le siang in cu chin ram chung ah tuah cuahmah lio asi, cu bantuk in Naga Self -Administered Zone zong ah lam le hlei 14 le siang inn 6 cu sak le tuah cuahmah lio a si ve , Hi India le Myanmar kar i rian tuantinak ahhin kaphnihlei in thangchonak tampi a um caah an riantuan tinak cu fahter chin lengmang ding in hnatlaknak an tuah. Myanmar Time.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "INDIA Le MYANMAR RAM RIAN TUANTINAK LE RAMRI TTHANCHONAK AH HLAWKNAK TAMPI HMUH KHAWH ASI."

Leave a comment

Your email address will not be published.


*


error: Content is protected !!