Indiana i ngakchia atlau mi 8 cu “U.S Marshals” hna nih him tein an khamhkhawh hna.

U.S Marshals ralkapbu  hna nih Indiana i ngakchia 8 a tlau mi hna cu damtein an khamh hna hi ngakchia a tlau mi hna hi Misual hriamtlai phu hna nih an tlaih mi hna an si i, ” Homecoming” auh mi an si, hi ngakchia hna ni 5 chung an tlau i, August 31 in September 4 tiang an tlau.

Ngakchia a tlau mi hna hi kum 6 in 17 karlak an si, Ngakchia a tlau mi an tam caah Federal investigator hna nih, The Multi-agency mission rian cu an buaipi cawlh i, Indiana i palik hna nih mino te a si mi, misual pakhat cu a hriamnam he an tlaih.

Hi ngakchia a tlau mi hna hi misual hna nih an fir hna i,  phaisa tampi in an zuar hna, nupa sualnak tuah pi ding in an fir mi hna an si, fak piin a hrem hna, si caan tampi an chunh hna taksa fahnak a phunphun in an pek hna caah thluak lei damlonak hna zong a ngei mi an tam, Hi ngakchia mi 8 an khamh mi hna hi Indiana Department of child Services nih an zohkhen lio hna a si tiah News release agency nih a langter.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Indiana i ngakchia atlau mi 8 cu “U.S Marshals” hna nih him tein an khamhkhawh hna."

Leave a comment

Your email address will not be published.


*


error: Content is protected !!