Indonesia VanLong A Tlak Ruang Ah Patung Pakhat Faktuk In A Mual A Pho, Hi Tluk I Mualpho Cu A Um Ti Hnga Maw Ka Thin Cungai Fah Cu

January 9, 2021 ah Indonesia vanlong Sriwijaya Air SJ 182 cu a tla i rili cung ah an pil dih viar. khual 50 le vanlong chung i riantuan tu 12 cu rili chung ah a zapi ten an pil dih.

 

Mah hi hlan ah hin sipuaizi a tuah mi patung pakhat nih a nupi sinah riantuan nak kongkau ah khual a tlawn nak ding kong cu a rak chimh. Jakarta in Pontianak khua ah tlawn ai tim i, Sriwijaya Air SJ 182 vanlong ai cit nak ding kong cu a chimh.

Asinain, Sriwijaya Air SJ 182 vanlong cu ai cit loh i a nungak nu he Bali tipi pawng ah nuamhnak an rak cen. A nupi a hlen nak vanlong cu a tla tithawng a theih bak cun lungre thei ngai in a um. A nupi le a chungkhar pawl cu an ngeihchiat tuk in an rak tap len ko i anpa ruak um lo buin ruak vui nak programe zong an rak tuah cang.

Inn ah maw an tlun than hnga silo ah a nungak no tehe cun dah an zam lawlaw hnga timi khuaruah bu cun Bali ramnuam ah khua an ruat cuahmah ko tiin Thojenk nih a langh ter. A min taktak cu an thuhpiak ruang ah, ‘Big Boss’ tiin an kawh.

Indonesia, Dr. H. Boyke Dian Nugraha zong nih a konglam ci a rak share piak ve ruang ah a lar tuk hringhran. (Hikong hi capo maw a si biatak dah timi cu theihfian a si rih lo nain tulio ah cun a lar bikmi thawngpang a si.)

Credit: Biate Mizoram

Be the first to comment on "Indonesia VanLong A Tlak Ruang Ah Patung Pakhat Faktuk In A Mual A Pho, Hi Tluk I Mualpho Cu A Um Ti Hnga Maw Ka Thin Cungai Fah Cu"

Leave a comment

Your email address will not be published.


*