Iran le US buainak ruangah Myanmar Embassy nih theiternak a tuah ve cang, Ttih a nung tuk cang ti a fiang cang ko hi

Myanmar Embassy : Myanmar Cozah nih Myanmar miphun Saudi Arabia, Bahrain, Qatar le Oman-ah a ummi hna sinah ralrinnak a pek, zei caah dah ralrinnak a pek hna ti ahcun Iraq ram umtuning a hman lo ruangah a si. Riyadh khuachungah a ummi Myanmar Embassy nih Myanmar miphun rianttuan duh ruangah Myanmar ram kal takin ram leengah rianttuanmi hna nih nan umnak ram Iranian Commander Qasem Soleimani thihnak he pehtlaiin thil an tuah a si ahcun nan i telve awk a si lo, nan rianttuannak he pehtlaihnak a ngeih lawnglawng-ah nan i tel lai tiah ralrinnak a pek hna.

A cung i ram kan langhtermi hna nih an ram chungah zaang en in i tinak a um a si ahcun heh tiah kan tongh hna lai tiah an langhter pinah zumh a si tiah an chim. “Myanmar miphun nihcun an umnak hmun thil umtuning kha ttha te in an hngalh a hau,” tiah a cunglei kan tarmi ram he pehtlaiin Myanmar Citizens hna caah rianttuan Advisor nih a chim.

President Donald Trump nawlpeknak in US nih Drone Strike Baghdad International Airport-ah Commander Qasem Soleimani an thah ruangah hi bantuk ralrinnak hi kan phuan tiah langhter a si. US thil tuahmi lehrulhnak caah Iran nih January 3,2020-ah khan tuknak a kalpi ruangah mi tampi an thi.

Qasem ruakvuinak he pehtlaiin ramchungmi tam taktak cu an khualipi Tehran-ah an chuak, zapi tampi nih an chimmi cu “phhlamnak a um lai” an ti. Phhlamnak a um lai an tinak a ruang cu US Drone Strike ruangah an ram ralkap commander Qasem Soleimani an thah ruangah a si tiah Street journal nih a langhter. Zeitin dah US thil tuahmi cu Iran ram nih a lehrulh lai timi kha a fiang kho rih lo, Qasem ruak an vuinak caah nithum chung kan hman lai tiah an phuan ruangah a si. Vawlei pumpi ruahnak le lungthin cu Iraq-ah a um lio a si.

Be the first to comment on "Iran le US buainak ruangah Myanmar Embassy nih theiternak a tuah ve cang, Ttih a nung tuk cang ti a fiang cang ko hi"

Leave a comment

Your email address will not be published.


*


error: Content is protected !!