Iran nih Basmatic facang a phih nak le, Amazon rian ttuantu nih Corona Virus a ngeihnak kong le, USA, Seattle ah a thih mi kong

Covid-19 zawtnak ruangah 92,000 renglo vawleipi nih zawtnak an tuar i 3,161 an thi cang. Hi rai hi hngakchia kum 15 tangnak in upa kum 40 in 60 kar nih an tawn deuh. Indy Lai dawr ahcun Facang a dih cang an ti. Ka caw rih fawn lo. Facang a phan thar te ding hi cawk dingah tih zong a nung pah ngai ko. Iran ram ahcun india in an rak kuat tawn mi facang le basmati cu Iran nih a phih cang. Rai zawtnak a um ti ruangah an ei ngam ti lo i a man a tla ngai ti asi. Kan nih Laimi caahcun a phan te ding mi facang hi a man a kai deuh kho men. Ralrin ngai cu kan hau.Aman kai ding mi nakin virus kha tih a nung deuh caah ralrin in a za tawk cawk cia zong cu a tha deuh ngai ngai ko.

Tulio a cang mi Covid -19 nihhin technology lei thanchonak ah ruah lolengin a kan thanchoter tiah Shanghai-based Global Cyberspace Governance ah senior official asi mi Lu Chuanying nih a chim. Amazon nih thil an order ngai nak company a hram pi cu Alibaba ah asi. Alibaba company nih Covid-19 dohnak ding caah Sii lei le Techonology lei thiamsang biatak tein hman a timh hna. Founder Jack Ma nih $ hi virus dohnak ding caah $ 2.15M hlut ai timhnak kong le thil order mi poah kuat a tlai deuhnak lai kong Tuesday ah thanhnak a tuah.

Seattle khua i Amazon company ahcun tihin Coronavirus case asi kho tiah an zumh mi cu ti khin ca an benh. Employee pakhat cu a dam lo ruangah Feb 25 ahkhan rian in ai phuak i an hlat tikah Coronavirus a ngei ti asi. Tulio virus nih stock faktuk in a tlakter cang. Asian leiin a rakphan mi poah cu minung lawng siloin thilri tiangin tih a nung dih ko cang tinak asi.Cucaah thilri cah mi tiangin ralrin kan herh. Khualtlawn lo zongah thilri cah mi in zawtnak ngah khawh asi. Cucaah a herh tuk ti lo ahcun hrukaih thilri zong cah rih lo ah a tha. Asian lei Vanlawng ko hi tih a nung bik.- Al Bik Lian Zathang

Be the first to comment on "Iran nih Basmatic facang a phih nak le, Amazon rian ttuantu nih Corona Virus a ngeihnak kong le, USA, Seattle ah a thih mi kong"

Leave a comment

Your email address will not be published.


*


error: Content is protected !!