Italy khuaci a muinak lakah rauhchannak a vun chuak ve cang-“Baby Leonardo, THE WONDERFUL FACE OF HOPE”

Coronavirus ruangah vawlei a nghilh kho ti lo, Italy le Spain cu khuaci a mui tuk caah mipi hna cu Pathian sin ah fakpi in thlacam le ttah lawng a si cang ko. Italy ah Covid a ngei mi minung 101,730 an phan cang i,a thimi 12428 an phan cang. Italy hi a thimi tam bik nak ram a si cang.

Mah bantuk in Italy ram dirhmun asi lio ah thawngpang tha pakhat a um mi cu, hngakchia Leonardo thla 6 a si lio mi cu coronavirus zawtnak i siizung ah ni 50 chia a si. Anu le pa le sibawi hna zong nih a dam lai ti an zum lo. Municipality of Corbetta the Northern Italian region of lombardy ah um mi Leonardo thal 6 a si mi cu ni 50 ah damtein siizung in a chuak cang. Mah thawngpang nih Italy mipi le cozah cu thazang tampi apek hna i, Local Mayor Barco Ballarini nih cun “Baby Leonardo, THE WONDERFUL FACE OF HOPE” tiin a chim.

Mah lawng si loin Italica Grondona, kum 102 a si lio mi cu March thla ah khan damtein siizung in a chuak ve. Genoa, Northern Ilaty mi cu ni 20 chungah siizungah a um hnuah damtein achuak. “We nicknamed her highlander-the immortal” tiin amah zohkhentu sibawi Vera, San Martino Hospital Genoa ah ttuan mi nih CNN a chim.

Covid-19 kong ah Laitlangah Pathian rian ttuantuk karlakah buainak fakpi a chuak. >>> COVID-19 kong he pehtlai in COTR khrihfabu Pastor Rev. Biak Lin Thang le Evan.Tawk Uk (Australia) cu La-Wa-Ka nih zulhphung a ser mi phung an buar tiin upadi ning in La-Wa-Ka nih taza a cuai hna tiah kan theih.

Lahwahka nih COVID-19 kan i runven khawh nakhnga tiin Hakha khua chung telh in hmun dangdang zong ah mibu in tuah mi puai tuah lo ding le biakinn ah i pumh ti lo ding in zulh phung a ser i nawl a rak chuah bal.

“Atu taza kan cuai mi hna chung in Rev. Biak Lin Thang hi Hakha khuasa a si. Cun, pakhat hi Australia ram in Social Visa he Laitlang a rak tlawng mi a si i, a min ah Evan. Tawk Uk a si. Evan. Tawk Uk hi Social Visa in a rak tlung mi a si nain amah nawl in mi a pumh hna i thawngtha a chim. Social Visa ai tlaih ko buin mibu  sin ah thawngtha a chim, phung a buar ca ah a tu bantuk in taza kan cuainak hi a si. Cun, thawngtha chim a duh a si cun, Meditation Visa ai tlaih a herh,” tiah Hakha Lahwahka Lutlai Pu Ze Uk nihThe Hakha Post ah a chim.

2020 March 28 ah Tamu peng, Khuahmunnuam khua ah USA in a rak tlung Salai Thang Lin Shine nih nupi thitnak puai a tuah ca ah Ramthen Cozah nih taza a cuai cang tiah kan theih. Cun, “Evan. Tawk Uk hi Visa zulh phung a buar ca ah kum 1940 Lahwahka upadi pohmah 42 (2), 13/1 in taza cuai a si. Rev. Biak Lin Thang hi      Australia ram in Evan. Tawk Uk nih a inn ah a tlun kong Lahwahka sin ah thawng a thanh lo ca ah kum 1948 Lahwahkah upadi dal 14/6, pohmah 5 (1) in taza kan cuai ve,” tiah Lahwahka Lutlai Pu Tum Thang nih a chimchap.

Rev. Biak Lin Thang hi a tlawm bik thla ruk in kum nga le tangka in dantat khawh a s. Cun, Evan. Tawk Uk hi a tlawm bik thla ruk in kum nga le tangka kyats 1500 dantat khawh a si tiah La-Wa-Ka nih an chim.

 

Be the first to comment on "Italy khuaci a muinak lakah rauhchannak a vun chuak ve cang-“Baby Leonardo, THE WONDERFUL FACE OF HOPE”"

Leave a comment

Your email address will not be published.


*


error: Content is protected !!