Joe Biden le a nupi Jill nih President Trump le a nupi Melania Trump cu damnak an hmuh tthan nak hnga ruahnak kan cheuh hna.

President Trump cu Covid-19 positive a si hnu ah Democratic Nominee Joe Biden le a nupi Jill cu covid-19 kan kai maw kai lo tiah test an tuah hnu ah negative veve an si i, an nuva in Trump cu covid-19 hri a kainak kong he pehtlai in ruahnak kan cheuh tiah a chim.

Biden nih a chim mi cu Covid-19 hrik ka cung ah an hmu lo mihi, Dr hna nih an chim ning in nawl ka ngai i, mask tha tein ka hmang caah le Trump bantuk in ka daithlang lo, kei mah lungrinh in ka rinh lo caah Covid-19 ka luatnak hi a si tiah a chim.

Biden nih mipi sin ah a mah siaherhnak a chim mi cu sibawi hna nih umtuning a kan chim bang in ka um ahcun Virus in kan luat ko lai, Mask hman, social distancing le Kut tha tein i tawl ahcun , hi vialte a zulh duh lo mi hna nakin kan him deuh hrim lai tiah a chim. USA TODAY.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Joe Biden le a nupi Jill nih President Trump le a nupi Melania Trump cu damnak an hmuh tthan nak hnga ruahnak kan cheuh hna."

Leave a comment

Your email address will not be published.


*


error: Content is protected !!