Judge Tin Zar Maw nih winner kong a chimh cang, Chin mi nih winner kan ngah khawhnak caah thazang fakpi kan herh rih ko hi

Myanmar Idol season 4 top 4 a fiang cang, winner caah kan duh mi hna caah fakpi in thazang kan chuah a hau. Judges pawl nih winner caah zeihman nawlngeihnak an ngeih lo ti a fiang ngai cang. An rak chimh cia bantuk in winner cu vote a hmuh tambik a si lai. Tin Zar Maw nih a chimh ning ah cun winner cu mipi nan kut ah a um, Esther le Aye Mya Phyo vote tampi nan pek ah cun nu lei nih winner an si ko lai, Benben le Mooler vote tampi nan pek ah cun pa lei nih winner an ngah ko lai. Winner cu mipi kutah a um, Mipi nih an duh bik mi kha winner a si lai, kan mah lei cun zeihman nawlngeihnak kan ngeih lo tiin a chimh

 

Thawngpang dang>>>>>>>>>

Myanmar ralkap nih Riffle meithal in Arakan State, Minbya khualipi uktu bawi kum 42 upa cu an tuk ruangah a thi tiah a chungkhar le nih DMG sinah an chim. An langhterning ahcun, Myanmar ralkap pawl cu December 11, zan suimilam 11 ah Seitera khuate-ah an kal, khuachung uktu bawi Nyan Thein innah an kal, thi lak in an vuak.

An chungkhar member pakhat Phyu Phyu Win, kum 39 upa zong meithal in an kah hliamh caah a thi tiah an chim. “Khuachung uktu bawi inn lei panh in an kal tikah innleng i a ummi nu cu meithal in an kah hliamh, caan tlawmpal-ah an kahnak hmunah a thi colh, ka unau pa cu meithal in a lu-ah an tuk, a thih hlan lo an vuak,” tiah a thimi unau pa nih a chim.

Nyan Thein hi meithal in an tuknak ruangah a thi, Phyu Phyu Win belte cu a ttaang-ah meithal in an kah caah a thi tiah an langhter. “Ka fanu cu dik lo tukin kah thih a si caah ka thinhung taktak, ka fanu ka ruah tikah lungrawhnak in ka khat dih, fa ngakchia pathum a ngeimi a si,” tiah Phyu Phyu Win hringtu a pa nih a chim. A thimi chungkhar le nih Minbya townchip palik captain Aung Mya Than sinah complaint-nak an ap, sihmanhselaw, palik nih thilsining fiang tein an langhter duh lo tiah an chim.

Myanmar ralkap pawl nih hin khuachungah AA tapung pawl an i tim, pakhat hmanh an hmu hna lo, cucaah, khuachung a ummi mipi hna cu an thihphaihhna, khuachung uktu bawi zong thi lakin an vuaknak a ruang hi a si tiah DMG nih an langhter. DMG nih hin thilsining theih fiannak caah Western Command Colonel Win Zaw Oo cu phone in biahalnak ngeih an timh, sihmanhselaw, an chon kho lo tiah an langhter

Be the first to comment on "Judge Tin Zar Maw nih winner kong a chimh cang, Chin mi nih winner kan ngah khawhnak caah thazang fakpi kan herh rih ko hi"

Leave a comment

Your email address will not be published.


*


error: Content is protected !!