July 15 tiang Myanmar a cozah nih luhchuah a siang rih lo a khar rih

Myanmar ram a cozah nih ni 15 chung ramdang ah khual tlawn kho lo ding in le ramdang in Myanmar ram ah luh khawhlo dingin Lam a phih chung, Julay thla 15 in a hawn than te lai, hi hi myanmar ram nih ramdang lei  tlun kal nak a phih caan a sau bik mi a si, a phihnak a ruang cu a tu lio damlonak Covid-19 hi Myanmar ram ah nifatin deuh in hmuh an si i, hi a dam lo mi hmuh mi hna hi ramdang lei in a rak kir mi deuh an si caah a phih chan hi a si tiah report a pek.

Myanmar ram International Flights, hi a phih dih i zarhthum chung i quarantine an tuah hna hnu ah hawn than a si te lai, Ministry of Foreign Affairs nih a chim ning ahcun ramdang lei lut chuah hi kan ngawl rih a ho cu locun ram mipi nih hi zawtnak hi kan tuar in tuk sual lai tiah a chim. Ref: Mizzima News.

Myanmar ram thawngpang rel na duh si ahcun hi ka hin rel chih te:

Myanmar ram Ngandamnak lei Riantuan tu hna nih a ram mipi cu ralring a pek hna

=========================================

A tu lio ah hin cun Mipi thinlung ah Covid-19 hi a caam bik ko lai dah, Nain Myanmar ram ah a um mi hna caah cun Damlonak phunkhat a si mi Myanmar ram a buaiter ve ngai mi zawtnak (H1N1 Flu) timi kawl holh incun (totekway) tiah kan rak ti tawn mi a a tu hi a thar in myanmar ram ah a karh chin lengmang ve. Myanmar ram ngandamnak lei tlangtlatu nih ralringnak an pek hna.

Hi Flu Totekway damlonak hi furpi caan deuh ah a tam khun i, a damlonak hi a tu lio vawlei pi vansang in a tuah tu Covid-19 hehin an riantuan ning aa lo pah caah mipi hna cu an i ralring a tak tak a harh tiah Health Sports Ministry hna nih mipi ralring an pek hna.

Ngandamnak lei tlangtla tu hna nih Hi zawtnak H1N1 flu in a zaw mi hi kan hnu thla chung ahkhan an hmuh mi hna a tam ngai, hi zawtnak hi Pakhat le pakhat i chawnhkhawh a fawi tuk mi zawtnak pakhat a si ve. a liam cia mi kum ahkhan cun hi zawtnak in a zaw mi hi an rak um pah len ko nain a tu Covid-19 a van lang hnu ahhin Flu Totekway in a zawmi cu hna cu an lang tilo le a si, a tu zong hi a zaw mi an um lengmang rih ko tuah ngandamnak lei riantuantu hna nih an chim. Ref: Myanmar Time.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "July 15 tiang Myanmar a cozah nih luhchuah a siang rih lo a khar rih"

Leave a comment

Your email address will not be published.


*


error: Content is protected !!