Ka Fanu Sizung A Um Ruangah Ka Tuah Sual Mi A Si Tiah Tahbu In Ngeihthiam A Hal Hna

Myanmar ram ,Magwe rathen Pakokku khuapi chung ah mipi nih bike a fir mi minung an tleih mi cu kutthlak in vuak an van timh tik cun, Bike a firtu pa nih cun, rak ka ngaithiam hram ko uh law ,ka fanu sizung a um ruangah ka tuah sual mi a si,” tiah ngaithiam a hal hna.

Bike neitu tu minung nih cun kan bike na fir tiah a rak au hnawh len hna i midang nih cu au thawng an van theih tik ah cun fakngai in vuak an timh. A cheukhat minung le bang nih cun fakngai in kut an thlak manh cang nain, mifir pa nih cun a tahbu bak in rak ka ngaithiam ko uh law tiah a hal hna i mipi nih cun cuti ngeihthiam a hal hna nak kong cu Sizung sin ah thawngpang hal hmasat ding a si tiin an ti caah sizung cu an chawnh hna. Cuti sizung an van chawnhtik ah cun a fanu cu a rak zaw taktak ko.

Cutikah cun mipi kutthlak ai tim mi pawl minung zong daiten an um dih i an ngeihthiam hnuah bike neitu minung zong nih daiten a ngeihthiam hnu ah a fanu zohkhenh nak ah tiin phaisa thawng 20 a pek lehlam than ti a si. Covid 19 boruak ah cheukhat cu sizung umnak ding hman nei lo tiangin harsa in buainak a tong mi an rak um. ( News Journal). Credit : VAPUAL AUAW

Be the first to comment on "Ka Fanu Sizung A Um Ruangah Ka Tuah Sual Mi A Si Tiah Tahbu In Ngeihthiam A Hal Hna"

Leave a comment

Your email address will not be published.


*