Kan Duh Mi Cozah A Kai Hnu Ah Refugee Si Peng Hi A Herh Ti Maw?

Mah hi biahalnak hi keimah zong nih ka ruah tawn mi a si!Hi biahalnak hi a tha ka ti.

Keimah ruah ning le hmuhve ning tawiten tarlang ve ka duh, Mi dang ruahnak cu phundang, si seh.

Q 1. Chinmi nih kan duhmi le kan herhmi  Covo a kan pe ding party tiin kan zumh bikmi NLD kan thim cang, Refugee kan si kan I ti rih hi a dik ko maw?

Ans. A dik a hmaan bak ko tiah ka ruah.

Q 2. Chinmi nih Kan duhmi Federal a kan pe ding party tiah kan zumhmi NLD kan thim cang. Kan duhbikmi Uktu a kai cang. Kan zumh bikmi party nih a kan uk cang. Refugee ka si kan ti hi a fel mi dirhmun a si maw?

Ans.A felmi dirhmun Atu tiang ah cun a si ko rih.

Q3. 2008 phunghrampi a remh lai. Cun a remh kho bak  fawn lai tiin kan zumhmi NLD Kan thim cang Anmah Kai in an kaimi a si lo. Chinmi nih kan vote I chinram ah 93% in teinak a hmuh cang. Cu hnu ah

Refugee ka si rih ko ti cu hrawkhrawl a si lo maw?

Ans. Hrawkhrawl a si hmimhrim lo.

4.Que, Ans: Na ti dingmi cu “phunghrampi a remh kho rih lo” na ti lai. Vulei cung khawka ram hmanh ah phunghrampi remh hau loin atha cang timi a um lo.Parliament hi phunghram a remhtu ding le Upadi sertu buu an si I an ram nih a ngeihmi cu kum fatin an remh peng ve.US hmanh nih a remh rih thiamthiam. Hmai lei zong ah an remh ko lai.

5.Q,Kan duhbakmi Cozah a kai hnu zong ah Refugee ka si hei ti peng hi cu hrawkhrawl taktak Corruption a si.

Ans. Refugee hi hrawkhrawl taktak Corruption a si nak kei cu ka hmu loh, hrawkhrawl tak tak Corruption a si mi cu Kawlram hruaitu lutlaitu poh poh khi hrawkhrawl taktak corruption, kawlram mipi tingco dingmi a fir dih tu le a ei dih tu an si caah hrawkhrawl taktak Corruption an si deuh lo maw ka ti.

Kawlram ah kum 1947-1974 le 2008 ah Rampi Punghram  an ser,1947- Phunghram lawng hi Aung San nih Democracy mizapi duhning in a ser mi a si,hnawl piak dih a si.

1974-ah Nee Win nih Socialist Phunghrampi a ser ve.

Kum 2008-ah Thaan Swe nih ralkap phungning duh ning in a ser.

Ram mizapi duhnak le NLD duhnak aa tel lo. 1990-kum teinak a hmumi NLD nih an ser awk hrimhrim a si.

Kum 1962-hnu khan cun kanram ah miphun covo a um ti lo. 1990-kum I Daw Suh nih Aa-naa a laak lo khan cun kan ram ah miphun ting covo,zalennak a um kho ti loh ,loh bak kan si cang ka ti. Cheukhat nih cun an ka zum lo,tuchunni  tiang mah dirhmun ah kan dir rih, chim cawk a si loh,

Kum 2008- Phunghrampi hi an thlen khawh ah cun midang chimlo kei cu a zan azan hmanh in katlung duh hnga, 2008- phunghrampi hi zeitik fawibai ah an remh kho rih hnga maw,Federal state hna hi cu Vancung Arfi le Thlapa lak he ai lo rih, atu kan dirhmun ah hin cun tiin ka hmuh ning a si.

American ram ah Independence an hmuhka in rampi phunghram constitution of the country an tuah mi kum 240-leng a kai cang cu ti ngai I phunghram an remh tic him awk a um lo.

Refugee, Ralzam kal mi um hna hlah sehlaw Chinmi atu kan dirhmun acheu hi kan phan lai lo,tiah keimah hmuhning te a si,Kha hlan kan dirhmun he khan cu van le vulei tlukin kan ithlau,

Ram leng a um mi kanram tufa le hna nih kanram le kan miphun an cawisang an thuamh tiah kei nih cun ka ruah. Kanram dirhmun, dide kan ngaicang peng ko,Corruption cu kanpuh siang nenman hlah

U,tiah, zaangfah kan nawl hna.(We are one in Chin)

Be the first to comment on "Kan Duh Mi Cozah A Kai Hnu Ah Refugee Si Peng Hi A Herh Ti Maw?"

Leave a comment

Your email address will not be published.


*


error: Content is protected !!