Kanmah Nawl In Mizoram Pal In Kawlram Ah Tlung A Ngah Ti Lo

A Cunglei he pehtlai in, India Vairam in a tlung mi nih Mizoram Covid-19 possitive 151 tiang an kai ter. Cu caah India in kan ram ah a tlung mi nih nan mah nawl in Mizoram pal a ngah ti loh. Chief Secretary Mizoram State ah a hlan kan in ca nan tial lai i, permission pek hnu lawngah Mizoram pal khawh asi lai cun, Chin Cozah sin ah Officially in thawngthanhnak tuahpiak nan si lai.


Mizoram bawmhnak, zawnruahnak le dawtnak thawngin Kan tlun kan kal khawh mi asi caah very Strict in warning a kan pek mi hi kan zulh dih hna a hau.
Ralrinnak an kan pek hnu ah ca zong tial hmasa loin le permission la hmasa loin On 17 June, ah Kachin le Lai group minung 6, cun On 24 June, ah Kachin le Lai group 18 Vanlawng in aizawl ah an rak phan i, hi hnu cu permission pek hlan ah nan mah nawl in Mizoram nan pal tinak hnga lo thawngthanhnak kan van tuah than.Mizoram le Chin State cozah pehtleihnak a thei lo mi nan um ah cun kei mah sin ah hal khawh ka si.Credit:peter Ngun Za Cung.

Thawngdang relchap<<Myanmar ram a cozah nih ni 15 chung ramdang ah khual tlawn kho lo ding in le ramdang in Myanmar ram ah luh khawhlo dingin Lam a phih chung, Julay thla 15 in a hawn than te lai, hi hi myanmar ram nih ramdang lei  tlun kal nak a phih caan a sau bik mi a si, a phihnak a ruang cu a tu lio damlonak Covid-19 hi Myanmar ram ah nifatin deuh in hmuh an si i, hi a dam lo mi hmuh mi hna hi ramdang lei in a rak kir mi deuh an si caah a phih chan hi a si tiah report a pek.Myanmar ram International Flights, hi a phih dih i zarhthum chung i quarantine an tuah hna hnu ah hawn than a si te lai, Ministry of Foreign Affairs nih a chim ning ahcun ramdang lei lut chuah hi kan ngawl rih a ho cu locun ram mipi nih hi zawtnak hi kan tuar in tuk sual lai tiah a chim. Ref: Mizzima News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Kanmah Nawl In Mizoram Pal In Kawlram Ah Tlung A Ngah Ti Lo"

Leave a comment

Your email address will not be published.


*


error: Content is protected !!