Kawl ralkap pahnih an i phuangnak (Video), Ralbawi, nawlpetu hna nih nawl a pek ning hna cu tih a nung kho taktak.

Hi thawngpang hi A thar a si lo i, a theih cia mi zong nan um ko lai, nain 2017 lio i, Myanmar a cozah nih Rohingya miphun tthawl a timh lio i, Kawl ralkap nawl a pekning hna hi a video he tlamtling deuh in ka van langter duh mi a si.

Kawl ralkap pahnih hna nih an chim mi cu, Rakhine state i terrorists Rohingya Muslims nan hmuh mi hna le nan theih mi hna  paoh cu kap dih hna u, nu le ngakchia cu tlaihrem u, cu hnu ah thah dih hna u, khuachung inhin kan thianh dih hna aho, tiah nawl pek kan si tiah an chim. A ho nih dah hi bantuk tiangtiang tuahnak nawl an pek hna tiah an hal hna tik ah nawl petu  ralkap bawi hna an si. Myo Myint Aung zong aa tel ve.

 

Hi kawl ralkap Tatmadaw hna pahnih an i phuang nak kong hi 2017 lio i Myanmar ram a cozah nih Rakhene state i Rohingya Muslims terrorists pawl tthawl dih ding in a timh lio i, Tatmadaw lei in aa tel vemi an si. A tlaihhrem minu pakhat nih UN ah a chim ning ahcun kawl ralkap tatmadaw hna cu Myanmar ram i Rohingya miphun cu nu le pa thluk lo an dihlak in dongter dih ding in, a fak khawhchung in harnak pek ding in nawlpek an si tiah UN zung a phan hnu ah a chim. A tih tuk caah Rohingya minung 700,000 renglo cu Bangladesh ram lei ah an rak zam kha a si .  Source: Daily Mail.com

Hikahin videoh zohnak a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Kawl ralkap pahnih an i phuangnak (Video), Ralbawi, nawlpetu hna nih nawl a pek ning hna cu tih a nung kho taktak."

Leave a comment

Your email address will not be published.


*


error: Content is protected !!