Kawl ralkap tilawngin thongtla pawl an rak lak rih hna si cun malaysia nih kan kuat ti hna lailo tiah bia chah nak a tuah cang

Kawl ralkap tilawngin thongtla pawl an rak lak rih hna si cun malaysia nih kan kuat ti hna lailo tiah bia chah nak a tuah cang

Malaysia nih Malaysia ram ummi kawlram mi thongtla pawl hna cu kawl ralkap nih ka kuat than hna a ti caah kan hnu thla February thla ah khan minung 1000 leng an kuat cang hna i tuhi kawl ralkap nih rak lak rih dingin a tilawng a rater rih hnik caah Malaysia cozah nih ka kuat rih hna lai lo tih bia chah nak a tuah cang

Kawlram chung baui nak kong cu ASEAN rampi nih meeting an tuah i a phi an chuah hlan cun ka kuat rih hna lailo tiah Malaysia nih a chim

Ahlan February thla zongah khan Malaysia zung in kuat lo dingin nawl an chuah buin nawl ngei tu hna nih minung 1000 leng an rak kuat hna

Kawl ralkap nih kawlram ah aa-naa an lak hnu a zarh hnih nak ah Malaysia khaupi
Kuala Lumpur a pinlei ralkap sekhan umnak tivapi kham lei ah kawlram tilawng pa3 an rak hmu .
Mah tilawng in cun Malaysia nih kawlram mi 1086 a kuat hna.

An ka tlai suallai ti tih ruangah Malaysia lei a rak tli mi pawl cu ralkap sin ah na pek than hna tiah sawisel a tongh ngai ngai caah tu can hi cun a hlan bantuk khan a si nak hnga lo ASEAN nih kawlram caah meeting an tuah ni tiang hngak ding hrim hrim bak in Malaysia cozah nih march ni24 ramchung meeting ah bia an chah cang tiah theih a si

Malaysia nih ka kuat rih hna lailo tiah a ti ko nain kawl ralkap nih tilawng pa3 ka rak thlah lai i ka vun lak hna lai a ti tiah malaysia media pawl nih an chim

Asinain Kawl ralkap sin ah kawlram mi a voihnih nak pek than ti hna lo dingin Malaysia nih bia an chah ve cang

 

 

Be the first to comment on "Kawl ralkap tilawngin thongtla pawl an rak lak rih hna si cun malaysia nih kan kuat ti hna lailo tiah bia chah nak a tuah cang"

Leave a comment

Your email address will not be published.


*