Kawl ram ah a tlung mi: U Aung Win Kum 57 Covid-19 kong a chim i nam te in sawh a si nak kong

Vawlei dirhmun kan zoh ah cun coronavirus a ngei mi hna hi 882,191an phan cang i minung 44,136 an thi cang. A dam than mi hna hi 185,094 an si cang. Coronavirus ruangah mi tampi an thi i, mi tampi an zawh lio ah mah bantuk in coronavirus kong chim ruangah U Aung Win Kum 57 a si lio mi cungah thil a cang mi cu theithiam a har ngai, bia a chim suah ruangah si ttung lo in mah bantuk in nam in sawh a si cang khua mi zong nih poi an ti ngai.

Kyaingthung myo,Hona khua ah COVID-19 khamnak kong le fim chimhnak tuahnak upa nih an ngeih hna. Khua upa pakhat U Aung Win kum 57 mi cu nam sawh atong caah palek sinah reportnak aum nak cu April 1 ah an pek tin theih asi. March 30 zaan 7 hrawng ah Shan , Kyaingthung myone,Hona khua te utu pakhat cu a paw ah nam sawhnak hma le ,ahnu lei in atlengnak hma cu an hmuh .

COVID-19 khamnak ruangah khua ah khual le mileng pawl an rat ahcun thawngthanhnak nan tuah lai in inn kip ah chimnak angei tu U Aung Win kum 57 cu a inn cia ah zaan ah nam te sin sawh atong . Kha ti achimh mi hna chung ah alungsi lo mi an um caah nam in an sawhnak asi tin theih asi. A sawh tu cu Palek nih an tlaih i , dantatnak fak ngai pek ding in timhlamh asi. Ref: Vaurawng

COVID-19 ruangah Malaysia Chin Ralzaam dirhmun>>>> Atu lio vawleicung ram zeimawzat a cul cang mi le Myanmar ram zong ah kan ton cuahmah mi COVID-19 ruangah Malaysia Cozah nih March 31 tiang Lockdown a chiah mi April 14 tiang a ni a thial than ca ah Malaysia khuasa Chinmi tampi harnak kan tong tiah Chin Youth Organization Malaysia lutlai Andrew Tum Tling sin in kan theih.

Andrew Tum Tling nih, “Malaysia Chinmi kan dirhmun hi March 18-31 tiang Cozah nih Lockdown a tuah. Cu hnu ah COVID-19 in a zaw mi an karh chin lengmang ruang ah April 14 tiang Cozah nih Lockdown a tuah than. Cun, Cozah nih nawl a chuah mi Movement Control Oder ruang ah Khrihfabu kip biakinn zong a khar dih. Malaysia cu ralzaam dirhmun in khua kan saknak a si ca ah tuancop eicop in a ummi chungkhar tampi kan um. Cozah nih Lockdown a tuah hlan in rian cantling a rak tuan ti lomi chungkhar zong tampi kan um ca ah eidin kong ahcun kan  lungre a thei tuk lo nain inn man pek ding ah lungrethei in kan um,” tiah a chim.

2020 March 31 tiang ah COVID-19 zawtnak hrik ngei minung 2626, a thi mi minung 37 le damnak a hmu than mi minung 479 an si cang tiah kan theih. Cun, “Din-ei kong ah lungrethei in kan um te rua lai tiah kan ruah nain Pathian a tha i Local minung bawmtu hna sin ah din ei, facang, chiti, Arti tibantuk bawmhnak tete cu Chinmi umnak sang zeimawzat ahcun an pek pah lengmang cang hna. Amah belte Malaysia cu inn man hi a tam tuk ca ah inn man kong ah lungrethei in um cio a si.

Malaysia Chin Refugee chung in harsa taktak mi hna zong ICC hruainak in min kan lak hna i UNHCR sin ah bawmhnak halpiak an si. UNHCR lei in Chin ralzaam bawmhnak belte atu tiang ahcun a um rih lo,” tiah a chimchap. Malaysia ahhin ralzaam dirhmun in a um mi Chinmi dihlak minung 4000 leng an si i, Chinmi chung in COVID-19 zawtnak a ngah mi cu an um rih lo tiah kan theih.

Be the first to comment on "Kawl ram ah a tlung mi: U Aung Win Kum 57 Covid-19 kong a chim i nam te in sawh a si nak kong"

Leave a comment

Your email address will not be published.


*


error: Content is protected !!