Kawlram kongah US zong a lungreithei tuk ve cang. U.S. State Department spokesman Ned Price a holh ve cang

Kawl ralkap nih Wikipedia an block ti NetBlocks – traffic monitoring service nih a langter, Zahan thil a cang mi kongah US cozah zong a um saw saw kho lo i,

The United States nih, Myanmar ralkap pawl nih mipi, lamzawhtu hna (Anti Coup protestors) meithal hmangin a kah peng mi cu an thinhun ngai cang tiin alanger.

U.S. State Department spokesman Ned Price nih Twitter ah a tial ning a cun, Burmese security force nih mipi lamzawhtu hna meithal hmangin

an kah mi le lamzawhtu cungah an thil tuah ning a tha lo ning kan thei mi cu kan lung atha lo tak tak cang. Burma mipi lei ah kan dirpi leng “We stand with the people of Burma,” tiin a tial.

Myanmar’s Anti coup protestors pawl thil tuah mi ah, Zahan kha tih nung tuk mi an tawn. Zahan ah mi 2 an thih i, mi tampi fak ngai in hma an hmuh

Cun, zahan ah Myanmar police pawl nih Myanmar Actor lar tuk mi Lu Min cu Sunday ah an tlaih. Tatmadaw nih Nithum Ni ah, Myanmar celebrities 6 tlaih ding an ngei ti an rak thanh cang

Lu Min nih Yagon protest ah voi tampi lamzawhnak ah a tel caah ralkap pawl nih an duh lo ngai i, hlan in an rak zoh peng mi, tlaih an duh tuk mi a si

A nupi Khin Sabai Oo nih Facebook video ah Police pawl hna cu an inn ah an ra i, a pasal cu an tlaih i an chuahpi tiin a chim.

Military spokesman Zaw Min Tun, Military council spokesman cu mah kongah Reuters nih bia halnak an tuah mi cu tu tiang zeihman letnak a tuah duh lo. Activist group, the Assistance Association for Political Prisoners nih a langter ning a cun, mi 569 tlaih an si cang tiin alangter. Credit-RTK

Be the first to comment on "Kawlram kongah US zong a lungreithei tuk ve cang. U.S. State Department spokesman Ned Price a holh ve cang"

Leave a comment

Your email address will not be published.


*