Kawlram nih Covid-19 sii kong ah thawngthannak a tuah cang: Vawlei ramkip nih kawlram an zoh cang ko

Kawlram caah thawngpang tha ngai asi mi cu COVID_19 zawtnak khamnak ding sii cu ngandamnak lei vuanci nih athanh cang . BPI (Insein) ,sii set zung nih sethmuh (1) tang ah aum mi sii lei chuahnak setzung asi . Sii quality i athawnnak cu ramdang sii alut mi nakin  atha deuh . Myanmar ram ah hibantuk sii setzung kan ngeih hi kan van tha tuk ,asunglawi tuk tin achim .

A tu achim mi BPI in raifanh zawtnak caah achuah mi Chlorofos timi sii cu COVID-19 treatment caah WHO  nih an thim mi sii ah atel mi asi . COVID-19 adamh khawh lai tin kan theih . (Atak in cun cohlannak cu aum rih lo ) WHO nih recommend apek ahcun Myanmar mi caah  ruahchannak tha tuk asi hnga, acheu dawr ahcun an ngeih cia mi sii atang mi zong cu aman an kai ko lai ti zong in achim . https://www.myanmartips.com/

Chin Ramkulh Cozah nih COVID-19 Outbreak ca ah lakhruak hman ding tangka 1 billion hman ding timhtuah…….Chinram zong ah  COVID-19 Outbreak (ruahlopi in ton sual) tiang kan phak sual a si ahcun lakhruak hman ding tangka  1 billion hman ding in timhtuahnak kan ngei tiah Ramkulh COVID-19 Runvennak Committee lutlai Minister Pu Pau Lun Min Thang sin in kan theih.

Tangka 1 billion Outbreak ca ah an chiah mi kong he pehtlai in Minister Pu Pau Lun Min Thang nih, “Tangka 1 billion Chin Ramkulh ca ah hman ding in timhtuah a si. Asinain, 1 billion hi lakhruak (emergency) a can i a herh taktak caan lawng ah kan hman lai,” tiah a chim.

Chin Ramkulh Peng kua chung ah COVID-19 i runven khawh nakhnga Ramkulh Cozah nih Peng khat ah tangka sing 20 cio bawmhnak a pek hna lai tiah kan theih. “Cun, Outbreak kan ton sual i lakhruak (emergency) tiang kan phak sual a si ahcun hman ding tiah Ramkomh Cozah sin ah a hlankan tein rak hal mi a si. Outbreak tiang kan phak a si ahcun hman khawhnak nawl Ramkomh Cozah nih an kan pek cang,” tiah a chimchap

Be the first to comment on "Kawlram nih Covid-19 sii kong ah thawngthannak a tuah cang: Vawlei ramkip nih kawlram an zoh cang ko"

Leave a comment

Your email address will not be published.


*


error: Content is protected !!