Kawlram Rakhine ramkulh Akyap an buai tak tak,Cozah Nih Bomhnak Tangka An Pekmi hna an co lo ruang ah

Myanmar cozah nih covid-19 ruangah a harsa mi bomhnak a pekmi hna he pehtlai in Rakhine ramkulh Sittwe khuapi ah minung 100 hrawnghrang cu nihin November 20 ah an lung tlinlonak an langhter bangin ttuanvo ngeitu pawl nih an min cazin an lak i bamhnak an co khawhnak hnga tiah an tawlrel piak hna.

Nutung rual 100 hrawng cu chun nazi 1 hrawngah Auhchohzi zung hmai ah an chuak i “bomhnak co kan duh ve, irualran tein le a hmaan ningin cawlcangh ding” tiah an au i mipi a chuak mi an tamtuk caah palik tiang an auh hna.

Palik pawl cu an phan colh i zung i achuak mi mipi pawl cu faktuk in cawlcang lo dingin an chimh hna. Hi mipi pawl hi an dihlak in bomhnak co ding a siko nain a co lo mi le an tinco hnga dingmi cu tlawmte lawng a ting tu pawl an si.

Duhlonak langhter tu mipi pawl cu ttuanvo ngeitu lei nih cazin an lak i bomhnak tangka nan co khawh nak hnga kan in tawlrel piak tiah an chim hna. Myanmar cozah nih covid 19 ruangah stay at home nawl an pek mi Myone cu a harsa deuh mi caah bomhnak tangka 40,000 a pe i,

Stay at Hmone nawlpeknak umlonak hmun i a harsa deuh mi pawl caah 20,000 a pek. Sittwe cu stay at Home nawlpek nak hmun a si.

Be the first to comment on "Kawlram Rakhine ramkulh Akyap an buai tak tak,Cozah Nih Bomhnak Tangka An Pekmi hna an co lo ruang ah"

Leave a comment

Your email address will not be published.


*


error: Content is protected !!