Khabib Vs Justin Puai Cu Khabib nih Awlsam Tein A Tei Nain Khabib A Tap Thluahmah (+Video)

UFC 254nk ah Lightweight Champion taisawm hrang Khabib le Justin Gaethje cu a i thua i a Champion liomi Khabib nih awlsam tein a round 2nk ahb a tei colh i champion taisawm cu a humhim khawh . Round 1nk : Puai thok ka a si bantuk in minutes 2 chung hrawng cu an i tluk ngai .

Khabib Nurmagomedov defies Dana White and says he will not fight at UFC 249 | UFC | The Guardian

Cun Justin nih hin a ke a hman i a chuih pah khawh lengmang fawn.Cupin ah Justin nih a kut zong in a thongh pah khawh lengmang tik ah Khabib zong a sungkho mi a si tiah zapi nih cun ruah cio a rak si . Asi nain round a dih lai te ah Khabib nih Justin cu a tlaih khawh i a tengh cang i a tei dengmang ah a can a dih i Justin caah cun vanthat ngai ngai a si ve .

Gaethje could use McGregor as a blueprint for how to beat Khabib - Insider

Round 2nk : An pahnih in biatak deuh in an tang veve cang , Justin zong nih a kut in cun a thongh khawh pah lengmang ve thiam thiam rih i an i tluk tawk ngai ti khawh a si . Justin nih Khabib a van chuih bak ah Khabib nih justin a ke cu a rak tlaih piak khawh i a tengh colh . Cu ti cun Khabib nih Justin cu a ke pahnih in a hngawng ah a ceh chih i Justin caah cun zei ti ttan lak khawhnak lam a um ti lo hnu ah Khabib nih cun a tei colh taktak .Khabib nih justin a tei hi a round 2nk minutes 1:34 nak ah a si i UFC Champion taisawm cu a humhim khawh .

UFC 254 results -- Khabib Nurmagomedov vs. Justin Gaethje: Fight card, highlights, complete guide - CBSSports.com

Khabib cu teinak a hmuh bak in a khup aa bil i a tap colh i a team pawl zong nih an hnem kho tuk lo . Tutan Khabib a tah nak a ruang bik cu voidang ah teinak a hmuh tawn can ah a pa nih a hmun bak ah a lomhpi tawn nain , tutan cu a pa nih a thihtak hnu ah a voikhat nak ai thuat a si tik ah teinak a hmu nain a pa a um tilo mi cu a ngeihchiat a celh ve lo caah a rak si . Khabib a pa hi covid-19 zawtnak in nai te ah khan a nunnak a liam ve mi a si .

Cuti cun Khabib cu UFC puai ah puai 29 bak sunghnak puai um bak lo in teinak a hmuh dih i UFC Lightweight Champion Taisawm zong voi 3 bak a humhim khawh fawn cang.Cuti cun teinak a hmuh hnu ah UFC hi ka dinhtaak cang lai tiah a chim fawn .UFC a dinhtaak nak a ruang bik cu a pa a thih hnu ah a nu nih UFC ah i thua tilo dingin dinhtaak cang dingin a ti caah a nu bia a el sianglo i UFC dinhtaak a timh cang nak a si . Hi hnu cu UFC ah Khabib mui kan hmu ti lai lo .

 

Be the first to comment on "Khabib Vs Justin Puai Cu Khabib nih Awlsam Tein A Tei Nain Khabib A Tap Thluahmah (+Video)"

Leave a comment

Your email address will not be published.


*


error: Content is protected !!