Khrifa an lungfak lai maw ti a ruat ti lo, a chim cia bantuk in a tuah thluamah ve ko

Khrifa tampi nih ralrinnak bia an chim cang. Joe Biden buu RC zong nih Joe Biden sin ah heh tiah nauhrawh dirpi lo ding in hruaitu lei zong nih ca an kuat cang (Chinpage ah fiangtein ka rak tial cang kha)

Natein Pathian duh lo ning tein Obama nih a rak tuah mi a si ve caah Joe Biden zong nih a tuah thluamah ko cang.

Trump president a rak si lio ah ramdang sin ah nauhrawh a duh mi NGO (buu) Nauhrawh he pehtlaih in rian a rak tuan mi NGO, tangka a bawmh duh ti lo mi NGO caah Joe Biden thawngtha a phuan cang

US nih ramdang NGO sin ah tangka tampi a rak bawmh tawn hna.Natein mah bantuk in NGO nih, Nauhrawh khawhnak caah rian tampi a rak tuan caah le Nauhrawhnak ding caah US nih tangka tampi a rak bawmh mi kha

Trump President a rak si lio a khan a duh lo ngai mi thil a si caah, NGO, Nauhrawh a bawmh tu vialte sin ah bawmhnak pek ti lo ding in biakhianak atuah.

Natein a tu cu Joe Biden nih mah bantuk in Trump nih a rak phih mi vialte, NGO, Nauhrawh khohnak ding caah heh tiah a cawlhcang mi tangka a pek duh ti lo mi hna kha

Joe Biden nih a dawngter cang i, a tu cu peh than lengmang si seh tiin biakhianak tuah a si than cang. Source-Foxnews

Be the first to comment on "Khrifa an lungfak lai maw ti a ruat ti lo, a chim cia bantuk in a tuah thluamah ve ko"

Leave a comment

Your email address will not be published.


*