Khrifah Syria caah fakpi in rian a rak ttuan cang mi nu a thih ning cu zaangfah bak a si

Cawnnirukni ah khan Khalaf cu an party Headquaters lei ah kal. Sihmanhselaw, raltuknak a um ruangah  Highway M4  Mawttaka kalnak lam cu an phih ruangah an mawttaka Toyota  zong  kal an siang lo, secretary general pinah a bodyguards hna cu thi lakin an kah hna. Khalaf hi kum 35 mi a si. A mawttaka in chuaklakin an hnuh pinah, thlaihhrem zong a si kho men, a tawpnak ahcun khuachung lampi ah lungin thilak in an cheh.

Syrian Democratic Forces(SDF) chimning ahcun “mi dang pakua(9) zong thah an si.” tiah an chim. “Hi thil nih a fianter mi cu Turkish nih a ramchung mi hna sinah  sualnak tuahnak he aa pehtlaimi lungthin kha an ngei peng rih ko.” Tiah SDF nihcun a chim. Sihmanhselaw, Syrian pawl tu nihcun hi “Ambush” kan mah timi a si lo tiah an chim.

Turkey National Army biaphuangtu sinah thil umtuning an hlathlai tikah a leh mi hna cu “ Highway  M4 an ti mi  tiang tiang voi khat hmanh kan phan bal lo.” Tiah a chim. Khalaf nihhin a thih hlanah Turkish ralkap pawl operation an tuah ning ah a lungretheihning kha a rak chim cang. Khualipi pakhat a si mi Qamishi i Press Conference an ngeih lio

October ni 5 ah a chimmi cu “ Turkish miphun hmanh a si tak tak lo mi pawl runven an duh ruangah hi ram hi um an i tim.” Tiah a rak chim. Global Coalition to Counteract ISIL  ah Ambassador a rak si cang mi Brett McGurk nih a Twitter ah a tweet-mi cu “ Ms. Hevrin Khalef cu report a um ning ahcun a mawttaka in chuaklak in a hnuh hnu ah thi lak in meithal in an kah. Hi bantuk  thil hi ‘war crime’ a si tiah a lungthlinlonak kha a chim.

Be the first to comment on "Khrifah Syria caah fakpi in rian a rak ttuan cang mi nu a thih ning cu zaangfah bak a si"

Leave a comment

Your email address will not be published.


*


error: Content is protected !!