Khuasik thla a rak phan caah US state cheukhat covid-19 hri kai thar, Positive new cases an karh.

US states 9 ah Covid-19 rai a zawmi  an karh, aliam cia ni 7 tuni tiang ahhin mi zaw a thar in an karh tiah USA Today nih Report a pek, a bik in US nitlak lei a um mi hi a positive thar mi an tam, khuasik thla asi cang caah hi coronavirus hi a karh a fawi deuh i, mask hman daithlang loding in ralrinnak a pek hna.

“Reuters analysis” Thawng hlatu hna nih a langter ning ahcun Tuzarh nilini ahkhan state pa 9 ah cases thar an karh ngai i, cu hna state cu Kentucky, Minnesota Montana le Wisconsin, Kansas Nebraska, New Hampshire, South Dakota le Wyoming hna an si  ram pumpi in cun new cases hri kai thar  hi minung 49,000 an si tiah USA today nih alangter.

“Health experts” Sibawi le hlathlaitu hna nih an chim mi cu thal caan nakin khuasik caan hi covid-19 a karh a fawi deuh, US state zong ah a kik deuhnak state cu case thar an tam deuh nak a si , khuasik caan ahhin hi virus hi taksa pum lei ah a luh a fawi deuh tiah mipi cu ralrinnak pek an si.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Khuasik thla a rak phan caah US state cheukhat covid-19 hri kai thar, Positive new cases an karh."

Leave a comment

Your email address will not be published.


*


error: Content is protected !!