Khuate Lei ah Khuachung Tlangval le Palik Bia An I El Ruang ah Palik Pa nih Voithum Tiang Meithal in A Kah Nain Vanthat Ah An Luat

Tamu peng Myotit Myone Failin oh-suh Mantaw khua ah khuachung tlangval le palik an buai i palik pawl nih meithal voi 3 tiang an hmeh puak tiah theih a si . November 17,zan suimilam 8:00Pm hrawng ah Mantaw khua pawng i palik pawl cu zan vak in khuachung zohfelnak an ngei .

Khuachung zohfelnak an ngeih hnu khua chuahtaak an timh lio ah Khualeng lei deuh ahb Mantaw khuami tlangval minung 4 he an i tong i bia an i el .Cutik ah palik pakhat nih tlangval pawl cu meithal in a tinh hna i kan kahtak sual ko hna lai dakaw tiah a hro hna .

Cutik ah tlangval pawl zong nih cun na ngamh ah cun rak kan kap ca an ti ve i palik pa nih cun a meithal cu a puah taktak nain a meithal par cunglei ah an mer piak manh , voithum tiang a puah nain ai hliammi le a thimi an um lo ti a si .

Hi kong he pehtlai in Mantaw khuami nih cun “Khuachung tlangval 4 le palik 4 cu bia ai elmi an si i palik pa nih meithal in a tinhmi hna cu tlangval pawl nih cun a kan kap ngam tak lailo tiah an ruah ve caah rak kan kap an ti i meithal a hmehpuak taktak nak a si.Asinain voithum tiang meithal a puah ko nain a meithal parlei cu cunglei ah an mer piak manh caah an thi hraw lo .

Cubak cun tlangval pawl nih cun bia tak tein palik pa cu kut an thlak ve . Hi kong ah hin palik bawi le zong kan chimh cang hna i phung lam ning tein khuachung ah ngeihthiam halnak zong rak tuah ding an si nain a tutiang cu an rak ra rih lo ” tiah an chim.Palik nih an khua bak ah Meithal an puah ngam ko mi cu Mantaw khuami cu an i nuam lo ngai tiah khuaimi thenkhat sin in theih a si .

Source : CM

 

Be the first to comment on "Khuate Lei ah Khuachung Tlangval le Palik Bia An I El Ruang ah Palik Pa nih Voithum Tiang Meithal in A Kah Nain Vanthat Ah An Luat"

Leave a comment

Your email address will not be published.


*


error: Content is protected !!