KIA nih kawl ralkap an sekhan pa3 bak an lut hnawh hna caah ralkap pa20 hrawng an thi tiah theih a si

KIA nih kawl ralkap an sekhan pa3 bak an lut hnawh hna caah ralkap pa20 hrawng an thi tiah theih a si

Kachin ram chung um Hpakant ( ဖားကန့်) khua ah kachin ralkap KIA le Kawl ralkap cu march ni18 ah an i kap nak cu a fak tuk tiah KIA thawngpang theihter nak lei rian ngei tu Colonel( ဗိုလ်မှူးကြီး) Naw Bu nih a chim

Kawl ralkap an sekhan pa3 kan lut hnawh hna i an hriamnam tepawl zong kan lak hna bantuk in kawl ralkap leiin minung pa20 hrawng cu an thi tiah an ramchung online thawngpang ah an langter

Kawl ralkap leiin cun an internet line an phih dih caah kap hnih leiin pa zeizat kan thi miti fiang tein kan chim khawh rih lo tiin Naw Bu nih a chim

KIA center leiin cun hmailei kal i an sekhan pawl lut hnawh ding cu kan i timh lo nain a tanglei KIA ralkap caah cun namh chih ,lak duh nak thinlung cu a um ko tiah a chim

Tu Kawl rakap le KIA an i kap hi kawl ralkap nih aa-naa an lak hnu ah meithal thawng theih a si a bik in Shan ram ah KIA sekhan an i tuah nak hmunhma lei cu kawl ralkap nih an rak naih hna caah a si


Hpakan lei bel cun nihin i kap nak he pehtlai in kawl ralkap leiin zeihman an chim lo
Tulio aa-naa an lak ruangah sandah piah mi mipi pawl lei an buai caah si lai tiah KIA leiin an chim

Kum 2020 vote lak nak ah teitu a si mi aiwah in le mipi hna tlak nak in an tuah mi party CRHP le kachin ralkap KIA karlak ah i ton bia ruah nak a um peng ti zong in theih a si

Be the first to comment on "KIA nih kawl ralkap an sekhan pa3 bak an lut hnawh hna caah ralkap pa20 hrawng an thi tiah theih a si"

Leave a comment

Your email address will not be published.


*