Kum 1 Te Long A Si Rih Mi Hngakchia Te Nih Mitthli He Kanu Le Kapa Rak Kir Cang Uh Law Tiah A Au Nak Aw Nih Mipi Thinlung A Khuai


Kum 1 te long a upa rih mi nu hngakchia te nih hin, minung tampi thinlung chung ah khuruah nak a pek hna i, an home security camera kaltlangin a nu le a pa le cu a auh hna i, rak lawi zokzok ding in a auh hna.

Hi hngakchia hi China mi an si i, hi hngakchia nulepa Mr Chang, 35 le a nupi hi Shanghai neih te khuapi ah riantuan ding in chuah an hau i, hi chung ah hin, api lepu sin ah cun an um ter chung.

Doorbell clip record can hi December 17 khan a si i, mah hngakchia tehu innka hram te ah a mah te lawng a dir i a nulepa cu a auh hna. Cu a auh nak hna an leh dingmi awka cu a hngak zungzal ko hna.

A pa Mr Chang nih an khua chung um mi media pawl sin in a chim ning ah cun a har a ti tuk ve hringhran. Sinain, a nupi he an pawcawm nak ding caah tiin Wuxi city ah riantuan ding in kal an hauh fawn caah awl te in a tlung kho ding an si fawn tung loh.

An fanu nih a hlam hna ning le a ngeih hna ning an van tuak tik ah cun an nupa in an lung a nuam lo tuk ve i a rianran nak in tlun zokzok cu an i tim ve.Cun hi video a hmutu le a zoh tu minung vialte zong nih a rianran nak in tlung ko uh law tiah an fial ve hna.

A nu le pa ngai tuk buin an kaltak ruang ah hin, minung tampi nih cun sual an phawt hna i, minung pakhat nih cun nafa pawng ah hin na can tamdeuh in hman i zuam.

Hithil hi cu ngeihchia tuk mi thil a si tiah a ti i, midang nih hngakchia nih hin an hmet te in nulepa an herh tuk hringhran i, an pi le an pu sin ah chia duh hna hlah uh tiah a chim ve rih.

 

Thil dang vialte nak in fale hi an biapi cem i, a hnu ah i chir ding thil um bak lo ding in na hrinmi nafa le pawng ah na can tamdeuh chung cu hman i zuam ko law.

Credit : Mizo Elite News

Be the first to comment on "Kum 1 Te Long A Si Rih Mi Hngakchia Te Nih Mitthli He Kanu Le Kapa Rak Kir Cang Uh Law Tiah A Au Nak Aw Nih Mipi Thinlung A Khuai"

Leave a comment

Your email address will not be published.


*