Kum (29) Nu Pakhat nih A Fanu Thla-19 Nute Tisa in A Thih tiang A Ciah, A Ruang hi Rel Ve Law Na Ttap Ve Men Ko Lai

Nu nih a chungchuak fa a dawtnak cu zei he hmanh tahchunh awk tha a silo ti lio ah UK ram nu pakhat Kelly timi nu nih cun a fa thla-19 upa cu tisa bak in thi lak in a ciah i a nunnak a lak tiah theih a si. Kelly timi nu hi kum 29 a si cang i a mah hi sii thalo a ei pengmi a si i a fa a thah lai zong ah hin sii a ei ta tiah theih a s.

No description available.

A fanu a thah mi hi a min ah Gracy a si i Kelly nih hin tasa in a ciah hnu ah a fanu te hi mah hngal lo in lungfim lo in ttuanglai ah nazi 1 chung hrawng a hrilh ko i, cuhnu ah cun a mah a nulepa inn ah (an in pawng te ) ah a va tlikpi i an kutka a luhpah cun a thi cang a thi cang tiah a au pah i a nu nih cun zeitin dah na fa cu na tuah tiah a rak zuan hnawh tik ah cun lih in ka fanu te hi ttuanglai ah a mah lawngin lungfim lo in a rak ril ko tiah a nu cu a hlen.

No description available.

A fanu Gracy cu a taksa 60% cu tisa nih a kang dih i a ran nak in sizung lei ah an tlikpi nain doctor te nih an zoh tik ah cun a nunnak a um ti lo tiah an rak fehter. Police pawl nih cun a fanu Gracy thihnak kong ah Kelly cu biahal nak a ngei i “ka fanu hi inn ka thianh hlimh lio ah tisa tuanglai ah ka chiah mi hmangin a mah tein a rak i toih sual i a si “tiah a chim i a hmasa ah cun a bia cu an zumh ve caah zeihmanh a cung ah buainak case an tuah piak lo i a luat.

No description available.

Asinain a hnu ah a mah hi sii thalo eimi a si an theih tik ah a taksa cu an check i a fanu thih hlan deuh hrawng te ah khan sii thalo tampi a ei timi cu doctor te hmangin an theih tik ah a mah cu lunghrinh in an tlaih colh than. Court ah biaceih dingin an hruai i biahal nak tampi an tuah i an kher hlai hnu ah a siningn dihlak cu a lang than. A fanu a thih hlan deuh ah hin Kelly nih hin social media ah comment pakhat ah hi ti hin a tial.” Ka fanu te hi midang nau-um tu kut ah chiah ka duh a mah ruang ah hin ka nun hi zalen tak in ka hmang kho lo i a ka neng tuk ” tiah a rak tial mi zong hmuh a si.

No description available.

A sullam cu a fanu ruang ah hin a nun hi zalen tak in a hmang kho ti lo i a fanu nunnak lak i zalen tak in vawlei can hman hi a duh mi a si ti cu elawk tha lo in an theih khawh fawn. Culawng silo in a fanu nih hin a mah tein tisa i toih sual cu siseh law a ttap lai i atah thawng cu a nu nih hin a theih lai i a chanhmanh tuk ding a si nain zeihmanh nau tah thawng le a um lo tik ah a mah kelly nih lungfim tein a thah timi cu a fiang ngai ngai fawn. Cuti cun Kelly cu sii thalo eimi a si an theih hnu zong cun hremnak cu a nem deuh hlei lailo tiah theih a si fawn.

No description available.

Zei ca tiah sii thalo ei mi a si ruang ah a thluak le a thinlung lei ah buainak tlamtlin lonak a ngeimi siseh law a fanu thihnak kong ah hin mihlen in a mah palhnak a um lo nak kong zong hi tha tuk in a chim kho lai lo. Cuca ah cun a cung i hremnak pek dingmi hi nem ter awk thalo a si fawn. Kelly court ah bia a ceihtu nih a fanu a thimi Gracy ruak a zoh tik ah a nu nih hin a hmasa ah a hmailei ah tisa in a toih hmasa phawt lai i a fanu nih hin thi kho colh tung lo in zeituk sau dah a nunnak chan him nak ding ah hin ai zuam ve lai i, culio ah cun a nu hi sii ri in a fanu thi lo nunglo in tuang lai i a cawl lio cu a zoh sawh men ko lai timi ka ruah ah ka celh hrim lo i hi bantuk i thah nak hi i thah nak fak bik a si tiah a chim ve.

No description available.

Kelly cu court nih bia a ceih dih hnu in a damchung thongthlak dingin hremnak a pek. Hi bantuk thiam in nikum ah khan USA ah Jennifer timi nu pakhat zong nih a tunu cu tisa in a khup tanglei cu a nulepa umlo kar ah a rak ciah piak ve. Chungkhar pakhat innkhat ah a um ti mi hna an si i an nupa in lamhla deuh ah khualtlawng ding an si caah an fanu cu a nu Jennifer sin ah an chiah ta. An khual tlawn nak in tlun a zat hlan ah cun a nu Jennifer nih cun na fanu ain hliam rak tlung zok u tiah phone a chawnh hna i an nupa cun a rak nak in an rian hmanh i lim manh hlan ah cun innlei ah an tlung than.

No description available.

Inn an phak cun an fanu ke cu an zoh tik ah a khup tanglei cu tisa ciahnak meihma kaang cu a khat ko. A nu cu an hal i kan fanu cung ah hin zeidah a cang tiah an hal tik ah a nu Jennifer nih cun ka mood-off tuk i zeiti um awk theih lo ah nan fanu ke cu tisa ah ka ciah ko khah tiah zei poilo ngai in a leh hna. An fanu cu a ran nak in sizung ah an kalpi i doctor te nih voi(2) tiang operation an tuah nain thatlei a panh kho hlei lo i an lungrawk taktak.

No description available.

A donghnak ah cun doctor te nih lam pakhat lawng a um cang i a taksa dang vun hi kan lak lai i a ke a hnalrek in cunglei ah hin kan hman a hau lai cu zong i a that khawh hlei tilo a si ah cun a ke hi tanpiak a hau lai tiah an ti hna. court nih an pi Jennifer cu bia a ceih i kum (15) thong thlak ding le phaisa Dollar 150,000 cawi dingin bia a khiah piak.

Be the first to comment on "Kum (29) Nu Pakhat nih A Fanu Thla-19 Nute Tisa in A Thih tiang A Ciah, A Ruang hi Rel Ve Law Na Ttap Ve Men Ko Lai"

Leave a comment

Your email address will not be published.


*