Kum (4) Hngakchia Pate nih A Pa Biathli An Sayamah Nu Sin ah A Chimh i An Sayamah Nu Cu A Rian in Dinh-nak Tiang A Hal Phah ( Ngeihchia Tuk A Si)

Nancy timi nu cu hngakchia sianginnkai a za deuh rihlo mi pawl zohkhenh nak pre-school ah riantuan mi a si i a zohkhenh mi hngakchia an tamngai nain a mah hi mifel a si caah tha tein a zohkhenh khawh dih zungzal hna i uar zong a um ngai ngai .A zohkhenh mi hngakchia pawl nih hin Miss Nancy sin ah cun an duhmi bia poah hi an chimh ve tawn i upa puitling caah cun ngeihpiak awk tlak an si lemlo nain Miss nancy nih cun lungtho ngai in tha tein a ngeihpiak zungzal hna i an i nuam ngai tawn.

No description available.

Nikhat cu a zohkhenhmi hngakchia pawl lak ah ai tel, vemi Michael timi pa kum (4) mi cu nuam lo ngai mithmai in a um i Miss Nancy zong nih cun a rak ngiat ve tik ah Michael hi nuamhlo nak pakhat cu a ngei timi a theih khawh .Asinain Miss Nancy nih cun hngakchia zong hi mood -off can an ngei ve tawn theu i zeidek thil pakhat khat ruang ahb mood-off nak a ngei ve i a si ko lai tiah a hei ruah ve sawh ko .Asinain nikhat lawng silo in ni tamngai Michael mithmai cu nuamlo in a hmuh peng cang tik ah Miss Nancy cu ai nuam ve ti lo.

No description available.

Michael hi a hlan ah cun a mithmai a panh peng mi le a hawile kom sin zong ah ai nuam mi lentecelh zong a huam tuk mi a si nain tu ah cun a hawile sin zong um duh tilo in a dangte ah a mah telawng in a um i , chawnh zongah tha tein mi let lo in a um peng cang .Cu tik ah Miss Nancy nih cun Michael cu zeiruang ah dah nai nuamhlo zei bantuk buainak dah na ngeih tiah tha tein a hal i michael nih cun hiti hin a leh .”Ka pa he hin nuam tein caan kan hmang ti tawn i movie hna a ka zohpi i ka duhnak hmun poah ah a ka kalpi tawn i lentecelh nak phunkip a ka celhpi tawn.

No description available.

Asinain a tu ah cun zawtnak phundang a ngei i ka caah caan a ka pe kho tilo” tiah a chim .Miss Nancy nih cun Michael a pa cu zei bantuk zawtnak dah a si hnga tiah a lung tha lo tuk ve i phone in a hei chawnh ve i Michael pa nih cun hiti hin a rak leh.” Keimah ka zawtnak hi zawtnak sawhsawh a si lo i ka nunnak tiang nih a tuar khawhmi zawtnak a si . 2010 kum khan hi zawtnak nih hin a ka phak ve i 2016 kum thok khan cun ka zawtnak hi a zual tuk i tu ah cun doctor te zohkhenh nak tang lo ah cun a um ngan ding ka si ti lo , cucaah cun ka chungkhar sin ah umthiam tilo i tu bantuk in hmundang ah doctor te zohkhenh nak tang ah ka um a herhnak a si ” tiah Miss Nancy cu a rak leh.

No description available.

Cukong a theih cun Miss Nancy cu a lungtha lo tuk i a zohkhenh liomi hngakchia duhnung te apa ruang i hitluk lungfak le nuamlo in a um a ruah tik ah siseh , a rauh hlan ah a pa nih hi vawleicung in zungzal tiang a kaltak cang dingmi a ruah ah siseh a thinlung ah zeidah ka bomhkhawh hna hnga tiah khua a ruat i lung nuamlo taktak in Michale te pafa hna caah cun khua a ruat ve . Michael a pa hi a kal 80% cu ai rawk cang i a rauh hlan ah kal petu midang an um lo cun hi vawlei cung hin a nunnak a dih cang a si fawn.

No description available.

A hawile kom dang nih kal hlut an timh lengmang ve ko nain ai keihlo caah an hlu kho rih lo i a mah kal he ai keihmi cu doctor te nih an kawlhawl piak cuahmah lio a si fawn . Culio ah a fapa Michael le nitin te ngaihchia in a can hman mi ruah tik ah zangfakm taktakm dirhmun ah an dir . Miss Nancy cu khua a ruat i a donghnak ah a tuan nak sianginn i lutlai pa sin ah dinhnak a hal . A ruang cu a zohkhenh mi hngakchiapa Michael a pa caah a kal pakhat hi pek a duh . Michael a pa umnak sizung ah cun a va kal i a va ton i ka kal hi kan pek lai tiah a va chimh tik ah cun Michael pa zong cu a ningzak i ai phu hrung ngai ngai.

No description available.

Miss Nancy nih a chim mi cu a hlan ah ka riantuan ti hawi nupakhat nih minung pakhat a thi dingmi caah a kal pakhat a rak pek ve bal i a nunnak a chan him i a mah zong lomhnak in a khat ve . Khalio te khan keizong ka thinlung ah biakhiah nak ka tuah ve i a nunnak ka chanhim khawh ding a si i a herhtuk mi an um ah cun ka kal hi pek ve ding in biakhiah nak ka rak ngei cang ee tiah a chim. Cuticun Miss nancy a kal cu Michael a pa kal he cun an va check tik ah vanthat ah a rak i keih celngel ia herh mi tete thildang tuah dih hnu ah Miss Nancy kal cu Michael pa pek dingin biakhiahnak an tuah colh.

No description available.

Asinain cuhlan deuh ah cun Miss Nancy cu hmailei ai chir sual nak hnga lo counselling an tuah ta i voikhat lungthawh ruang ah kal pek silo in a hnupi tik ah i chirnak a ngeih sual nak hnga lo a thla in counselling an tuah ta . Miss Nancy zong cu biakhiahnak tha tein a tuah dih hnu ah University of Iowa Hospital and Clinics ah cun doctor thiam le nurse thiam pawl, nih Nancy le Michael a pa cu voikhat ah an pahnih in operation an tuah hna i tlamtling tein Miss Nancy kal cu michael pa cu an pek.

No description available.

Cuhnu cun tuni thaizing ah a thi kho tiah ruahmi Michael pa cu a hlan bantuk tein a dam than cang i lomhnak in an khat . Michael pa nih cun hiti hin lomhnak a chim ve ” Ka nunnak ah atu bantuk in lomhnak ka ton hi a um rih lo, nurse siseh doctor te si hna seh a hlei in ka nunnak a chanhim tu Miss Nancy cung hrim ah kai lomhnak a sang i zeiti chim awk zong ka thiam lo. Na nunnak kha midang pakhat nih chanhim ve seh law cu i nailomhnak bantuk kha a si ve ko. Kan fapa in hi bantuk mitha kan ton hi cu kan van a tha tuk ee tiah a tap bu in Miss Nancy cung ah ai lomhnak cu a chim.

No description available.

Michael zong nih cun a zohkhenhtu a miss nancy sin ah cun pa a ngei tilo dingmi keimah hi cansaupi chung pa ngeimi dirhmun ah na ka chiah than caah na cung ah kai lawm tuk tiah lomhnak a chim ve i cu Michael bia nih cun Miss Nancy zong cu a thinlung a tongh ngai ngai i ka thiltuah mi hi a dik bak ti a fiang ve. Michael pa nih cun ” kan mah pafa kong an theih nak hmang hin mi tampi nih midang caah kal pek duhnak thinlung zong an ngeih deuh ka zumh tiah a chim ve i, doctor thiamsang pawl, nihan chim ning ah cun vawleicung minung lak ah hin ting 9 le 3000 nih hin kal pek hau in thihnun ri ah an um i hmailei ah cun an karh chin chin rih fawn lai tiah an chim. Source : Dailymail

Be the first to comment on "Kum (4) Hngakchia Pate nih A Pa Biathli An Sayamah Nu Sin ah A Chimh i An Sayamah Nu Cu A Rian in Dinh-nak Tiang A Hal Phah ( Ngeihchia Tuk A Si)"

Leave a comment

Your email address will not be published.


*