Kum 74 Putar Kebei Mi Cu A Nupi Nih Padang A Duhtak Hnu Ah Cawmtu Nei Lo In A Mah Long In Khua A Sa Bomh A Herh Hringhran Ko ( + Video )

Mizoram ,Aizawl khuapi Salem veng i a um mi putar pakhat kebei mi cu a dirhmun ruang ah a nupi nih kumhnih liam cang mi ah khan padang a rak duhtak i, zan ah a thli tein pa dang sin ah a rak chuahtak. A nupi nih a chuahtak hnu ah cun a mah nih le rian a tuan kho fawn tung loh i, bazar pi hram ah kutdok in a thu tawn.

Asinain, covid 19 boruak ruangah Mizoram cu lengchuah khap a si i, kut dok kho ti lo in a um. A hlan i kutdok in a rak um lio i phaisa a hmuh mi te cu lockdown chungah ret te in a hman i tuah cun a kut chung ah phaisa 500 te long a neih cang.

Hi bantuk dirhmun a phanh tik ah cun, Zo Inspiration kaltlang in nai November 10 ah khan bomhnak chawva an pek i, November le December thla hrang i a inn hlan mi ca zong pekpiak a si.

Mi inn tang cu thla khat ah Rs.1800 in a hlan i inn neitu nih covid 19 boruak ah thla 1 an rak ngaihthiam cang u inn man an thumh can zong a um tawn. Cupin ah meh le dinhhang ti bantuk zong mah putar te cu inn neitu nih cun an suah tawn ti a si.

A dirhmun ah hin lungrethei ngeihchia in a um tawn nain, Pathian nih a ka umpi tiin thazang a la zungzal tu pakhat a si. Mipi thawhkhawmmi bomhnak chawva 600 le thla 2 hrang inn hlan man tangka cu nizan ah khan a kut cung ah an pek cang. ( Zo Inspiration )

Credit : VAPUAL AUAW

Be the first to comment on "Kum 74 Putar Kebei Mi Cu A Nupi Nih Padang A Duhtak Hnu Ah Cawmtu Nei Lo In A Mah Long In Khua A Sa Bomh A Herh Hringhran Ko ( + Video )"

Leave a comment

Your email address will not be published.


*


error: Content is protected !!