Kumthar Ni ah Malaysia ah Chin mi chungkhar minung 4 an thi nak kong tling tein

Malaysia ram um Chin ralzam hna chungin Chungkhar pakhat hna nih cun Kumthar ni ah motor nih a pah/t’eih hna ruangah an nun nak a liam tiah theih a si. Ti ti bantuk in a thi mi hna chung hi an hringtu an pa le an fa le pahnih hna pin ah an hringtu a Nu zong a tel chih tiah theih a si. A thi mi hna hi an dih lak ah minung pa li an si tiah kan theih.

Cun,hi tibantuk in an thih nak konghe pehtlai in Malaysia um mi hna nih an chim nak ah cun an chungkhar in kumthar zingah Pathian thangt’hat dingin Biakinn an panh pah ah,Biakinn an kal nak ding motor an hngah nak hmun ah motor pakhat cu rang taktak in a rak ra i,cu motor dang a ra mi nih cun ruahlo pi in a rak pah hna hi a si tiah an chim.

Motor nih a pah hna le caangka in an vun zuam hnawh hna tik ah an hringtu an Nu Pi Cing Sian Huai le a fa le pahnih Thang Sian Sang le Pau Khan Lianle hna cu motor nih a pah hna nak hmun ah an liam colh i,an hringtu an Pa Pu Khen Sing zongbelte cu vanchiat lei vant’hat ah faktuk in a hliam ve na in an chanh manh tiah an chim fawn.

Khrihfa mi hna nih kan sunhsak mi thlathar ni thar (kumthar)ni ah mah bantuk thih lohnak an ton mi cu zei tluk in dah a fah hnga.Khrihfa mi lawng si lo in vawlei cung mi vialte hna nih vawlei kan nun chungah kan i fahsak bik mi cu thihnak hi a si ko.cucaah a tutan thihlohnak a tongtu hna chungkhar caah zei tluk in dah a fah khun lai.Sertu Pathian nih an mitthli hnawh piak hna sehlaw.hnem hram ko hna seh. worldnewsforchin

Be the first to comment on "Kumthar Ni ah Malaysia ah Chin mi chungkhar minung 4 an thi nak kong tling tein"

Leave a comment

Your email address will not be published.


*


error: Content is protected !!