Kurung ah a tlau mi; A thih cang rua tiah an ti mi Salai Tluang Tin Thang cu Tahan ah hmuh tu an um tiah theih a si. Thil mak ngai a si!!

Salai Tluang Tin Thang cu a hawi le he thin lak ding in Kurung (Nat Miang) ah an kal. Natein Tahan ah hmuh tu an um tiah a kawng theih a si. Kalaymyo, Zonuam khuami Salai Tluang Tin Thang cu January 21 ah a hawi le he thinglak ding in kurung khua ah an kal i, January ni 25, zinglei suimilam 4:00 am hrawng ah a tlau tiah theih a si.

A nau Mai Daisy nih a chimh ning ah cun “Salai Tluang Tin Thang cu keimah he unau kan si i, kan unau lakah upa bik a si. January 21 ah Ni hnih ni ah a hawi le he thinglak ding in kurun ah an kal i, January ni 25 sing lei suimilam 4:00 am hrawng ah hmuh a si ti lo. A hawi le nih an chimh ning ah cun, zan i lai ah a tho i a tli, a sinain a hawi le nih an dawi i an tlaih man i, an i terh than. Zan nazi 2:00 am hrawng ah cun a hawi le cu an nihngilh dih i, zinglei an nih than tikah cun ka u cu an hmuh ti lo” tiin a chimh

Cutin Salai Tluang Tin Thang cu a hawi le chungkhar pawl nih Kurung pawngkam ah an kawl, Zonuam khua in January ni 27 ah mawtaw pahnih khat in kurung pawngkam vialte an kawl dih. Zonuam khua mino 110 hrawng nih an kawl natein an hmuh hlei lo i, tahan ah hmuhtu an um tiin thawngpang an theih. Tahan ah an hmuhnak hmun cu car gate pawngah a si i, a hmutu cun felfai tein Salai Tluang Tin Thang a si ko tiin a chimh. A hmuhtu nan um sual ah cun hi ka number ah hin theihterh khawh ula tiin theihternak an tuah. 09672861361

 

 

Be the first to comment on "Kurung ah a tlau mi; A thih cang rua tiah an ti mi Salai Tluang Tin Thang cu Tahan ah hmuh tu an um tiah theih a si. Thil mak ngai a si!!"

Leave a comment

Your email address will not be published.


*


error: Content is protected !!