kyaw kyaw ruak mit bak in a hmu i a ruak zong a sawngbawl tu chim mi hi rak bih ta rih u sih

kyaw kyaw a ruak an va hmuh ah hin a rak tthom dih cang i akut lebang cu siamremh awkhmanh tha tilo in a rak thom tuk cang ti a si. Culawng silo in a ruak hi an tlunpi i motor cung in an thumh ah hin alu hi a uai in a uai i a hngawng ruh hi a kiak hrimhrim lai timi zumh asi fawn.

Cupin ah a hnakruh hi akiak bak tiah fehter a si i, a keng lei an zoh tik ah a phing dih ti a si i tisa in nampiak hmanh ah a phin hi a zor kho lo ti a si tik ah kyaw kyaw hi lungphucawl in a thimi a si lo i mikut tuar nak bak in a thimi a si ko timi cu a ruak a sawngbawl tu pawl mit in a hmutu bak nih chim mi a si.

a sinain a ruak hi postmortem tuah a si lo tik ah zeibia hmanh chim khawh a si ti lo a poi taktak .kan theihcio cang bantuk in kyaw kyaw hi a umnak hna chungkhar nih hin an fa bantuk bak in an dawtmi a si tik ah kyaw kyaw an hrem timi a pu nih a theih tik ah sangau-1 yla hruaitu upa sin ah a va kal i kyaw kyaw cu fakngai in maw an hrem tiah a va hal hna tik ah ” aw a fak ngai ko ” tiah an rak leh ve fawn hna tik ah a lungtha lo i a thaizing ah a fale pahnih cu kyaw kyaw va zoh dingin a thlah hna nak zong hi a si .

cuticun kyaw kyaw aum nak pu fela cu a thinhung a lungfak tuk ve i yla kut bak in kyaw kyaw hi a thimi a si ko ti a theih ve tik ah kyaw kyaw ruak thutpi nak caah thutphah yla ta an rak putmi zong cu a khirh hna i innleng ah a chuahter hna i an mah khrihfabu upc thutphah tu an hman nak zong a si fawn .

Cuticun a thaizing 29.12.2020 tuesday zing ah cun a ruak cu an i cuh i postmortem tuah dingin i nawr nak a faktuk cang tik ah yla hruaitu kut ah um tilo in vcp lei tu nih a ruak cu buaipi a si cang.sangau ah hin section 4 a um i kyaw kyaw ruak buaipi nak ah hin section dang 3 cu an i el duh bak lo ti a si fawn.

culawng silo in sangau khua ah a um ve mi hakha le thantlang lei minung zong a hohmanh an i tel duh lo ti a si . a ruang cu an lungfah tuk ruang le an thinhun tuk ruang ah a si i boruak zong a sang tuk cang caah an i tel lo tiah theih a si fawn .kyaw kyaw ruak thutpi zan 28.12.2020 zan ah hin a ruak thutpi tu hi minung 5/6 hrawng te lawng an si tiah theih a si fawn.

A thaizing ah cun kyaw kyaw thihnak kong ah hin sangau khuapi ah buainak fakpi a chuak cang i boruak zong a sang tuk cang caah kyaw kyaw aumnak chungkhar tiang zong hro nak a chuak cang i biadik chim ngamlo dirhmun ah a tu tiang an dir nak a si.

aww.. mizoram khawika ah hme diknak le dawtnak cu a um ne a ho dah tampi tu ah a dir ngam ne lai ?atu ah hin bomh le dirpi an herh taktak lio a si. sangau le a hrawnghran i a um mi kyaw kyaw chungkhat sahlawh vialte thinphang in an um i zangfak taktak an si , hilio ah a hodah a dirpi lai ? zohsawh in maw kan zoh ko hna lai ti in ka bia ka donghter rih phawt lai a herh ah cun ka peh than te lai.

credit : salai pk . note : hi kong hi kyaw kyaw a thihnak kong a thei i a sining dihlak a theitu le a ruak tiang a sawngbawl tu nih a mah facebook cahmai ah laimi zapi theih dingin raltha ngai in a tial i alanghter mi a si. cucaah cun kan laimi hawi vialte nih biadik an theih khawh cio nak lai share nak tal in rak bawm ve hna u sih.

Be the first to comment on "kyaw kyaw ruak mit bak in a hmu i a ruak zong a sawngbawl tu chim mi hi rak bih ta rih u sih"

Leave a comment

Your email address will not be published.


*