Kyaw Kyaw thihnak kongah mithmuh kuttongh bak in A hmu tu nih a chim mi le Sangau YLA bia chim mi aa khat ti lo

Kan Unaupa, Kyaw Kyaw thihnak kongah Chinmi kan dihlak in kan lung a fak in, kan ngaih a chia kan lung a fak tuk hringhran ti cu social media post le comment in fiangtein  a lang cang ko caah le bia dik le bia hmaan hi theih kan duh mi a si bantuk in

Mit ngeiin a hmutu bak nih a chim mi cu, Kyaw Kyaw ruak an va hmuh lio ah hin a rak Tthom dih cang i, a kut zong a rak Tthom dih cang, tuahremh a har tuk cang, remh tthan khawh zong a si ti lo tiin a chim.

Khua an vun phanh pi , Motor in Kyaw Kyaw ruak an lak lio ah hin a lu cu tangah a tla cang ti a si i, a hngawng ruh a kiak ti fiangtein a lang tiin a chim.

Mah cu lawng cu si lo in, a hnak ruh pakhat cu a kiak hrimhrim lai tiah zumh a si. Cun, A kiu zong a kiak lai tiah zumh a si fawn.

A ruak a tawlrel tu  le fimhlawmtu nih an chim ning ah cun, a hnung lei hi a phing dih tiin an chim. (Hi bantuk in thil a cang mi, postmorterm an tuah lo mi hi thil mak cu a si) Thil um cu a um ti cu ram chung ramleng ummi dihlak zumhning a si.

(Hi bantuk in Kyaw Kyaw ruak tawreltu, Fimhlawmtu lei nih an hmuh ning an chim mi hi zumh awktlak ngai mi a si. Laitlang lei kan hruaitu pawl nih thil sining hi dothlatnak an tuah ding hrimhrim a si) Credit-Salai PK

Note- Mah hi hi Salai PK nih a ttial mi a si. Mizo holh in a ttial mi, lai holh in ka von leh mi a si. Mah bantuk thil a si mi hi zeiruangah dah Sangau YLA Section-1 nih biadik le biahmaan an chim duh lo. Laimi ve ve sin ah thil a hmaan lo in an tuah ah cun ngaithiam hal ding an si. Pafa hmel ipalhsual caan zong a um phung a si, Unau mui ipalh sual caan zong a um phung a si ko

Hi bantuk caan ah hin unau chuakkhat laihritlai kan sinak hi kan langhter awk hrimhrim a si hnga lo maw! a naihniam deuh ah a ummi nih khurkhua fakpin, khuakhingkhan rak ruat tuungmaang hraam u, tiah Zaangfah kan nawl hna.

 

Be the first to comment on "Kyaw Kyaw thihnak kongah mithmuh kuttongh bak in A hmu tu nih a chim mi le Sangau YLA bia chim mi aa khat ti lo"

Leave a comment

Your email address will not be published.


*