Laiholh in Christmas hla thar ” Christmas ni sunglawi” ti cu a zoh mi an tam tuk, An thiam tuk hringhran ko, Mah bantuk Christmas hla thar kanngeih mi cu a tha tuk hringhran

Video na zoh duh ah cun ka hin clik law zoh khawh a si. Christmas ni sunglawi 

Israel mipi le Netanyahu hna cu USA Secretary of State rian tlai Mike Pompeo nih biachahnak a phuanmi ruangah lunglawmhnak in an khat dih cang, Palestinians miphun balte cu an thin a hung taktak.

International law buar riangmang in kum 40 chung Israel he an rak i cuhmi Jewish miphun umnak West Bank cu US nih Israel ramah a phuan tiah Palestinians rammi hna nih sual an phawt. An lung a tling kho bak lo. Ram pahnih karlakah remhchunhnak khua khan ttinak a um khawhnak caah rianttuantu bawi- chief negotiator Saeb Eraket nih a chimmi cu, USA biachahnak nih a sawh duhmi cu, “International law” kan ngeihmi hi “law of Jungle-ramlak i hman ding phunglam” ah thlen a timh timi hi a si.

Prime Minister Benjamin Netanyahu nih USA a thangtthat, tuanbia in a dik lomi cu diktein an vun kan sersiam piak tiah a chim. UN mit in zoh ahcun, Israel miphun Jews pawl umnak West Bank hi phunglam nih a cohlan lomi a si. Jews miphun umnak West Bank ruangah hin, caan tampi Israel le Palestinians, international community pawl nih buainak an ngei, kum 1967 Middle East tuknak ah khan Israel nih teinak an rak hmuh, cucaah, tuchunni i an buainak West Bank ramah Jews miphun nih um hram an rak thawk.

Nikhatni (Nov 19) ah khan US Secretary of State Mike Pompeo nih, “Israel rammi umnak hmun nih International law a buar lo, West Bank hi Israel le Palestinians karlak-ah biaceihawk a si, International law a buar lo, Israel miphun ram a si,” tiah a chim. Benjamin Netanyahu nih thimnak in teinak a hmuh ah khan, Israel mipi hna sinah biakamnak a ngei, chaklei kam Rili thi (death sea) le Jordan Valley i Israel miphun umnak vialte-ah nawlngeihnak Israel nih kan ngeih dih lai tiah a biakamnak cu a hlawhtling thluahmah cang.

Palestinians miphun nih Jews miphun 600,000 hrawng umnak West Bank i Israel nih nawl ngeihnak a ngeih dingmi cu an duh lo taktak, hmailei caan ahcun hi hmun hi Independent Palestinian State caah timi a si, cucaah, US biachahnak hi a dik lomi biachahnak a si tiah an soisel. Chief negotiator rian tlai Erekat zong nih, “Israel nih raltuknak in teinak a hmuh ruangah a miphun hna a umternak hmun Palestinian ramchung le, East Jerusalem nih hin International law a buar lawnglawng a si lo, sualnak raltuknak hmun a si, Trump cozah nih hin international law a serhsat, hibantuk biachahnak nih hin security le daihnak a hrawh dih lai,” tiah USA a mawhchiat.

2017 kum hram thawkah khan US President Donald Trump nih Jerusalem cu Israel khualipi caah a rak phuan piak hna, cucaah, US Embassy zong Tel Aviv in Jerusalem ah tthial a si lai a rak ti, cubantuk biachahnak a phuanmi cu Palestinians mipi nih an theih tikah Trump cu sual an phawt, UN General Assembly zong nih biachahnak an ngeih bantukin US cu an biachahnak tuahmi hlawt tthat dingin an nawl. USA nih Israel ram kauhternak caah UN mit zong a zoh kho ti lo, a hna aa cheh, 2019 kum hram thawk zongah khan, Israel nih 1967 raltuknak ruangah Syria ram an tlaih piakmi Golan Heights cu Israel nawlngeihna in a kal dih ding a si tiah biachahnak a rak tuah hoi cang.

US state department zong nih Mike Pompeo biaphuannak in suimilam pakhat ah ralrinnak bia an chim colh, West Bak asiloah Gaza kal aa timmi Americans miphun hna cu kal lo dingin an ti hna, Pompeo biaphuanmi ruangah Americans caah Palestinians miphun huatnak a um sual lai tiah vennak caah a si. Israel Prime Minister Benjamin Netanyahu nih a chimmi cu, “West Bank kongah hin International law a herh lo, Israel court hi a za, hmailei caanah buainak a um ti lonak hnga Palestinians he remhchunhnak khua khan ttinak ngei dingin timh cia kan si cang, sihmanhselaw, vulei phunghrampi nan buar tiah puhnak a ummi vialte cu pakhat hmanh kan cohlang lai lo,” tiah a chim. Israel nih niruk chung raltuknak an rak ngeihning le, West bank, Jerusalem le Golan heights an rak lakning vialte fiangtein kan website ah hin kan rak ttial dih cang, a rel cangmi zong nan um kho men, a rel duhmi hna caah cun a tanglei links ka chiahmi ah hin rak click u law rel khawh a si lai

Be the first to comment on "Laiholh in Christmas hla thar ” Christmas ni sunglawi” ti cu a zoh mi an tam tuk, An thiam tuk hringhran ko, Mah bantuk Christmas hla thar kanngeih mi cu a tha tuk hringhran"

Leave a comment

Your email address will not be published.


*


error: Content is protected !!