Lampawng I Eidin A Zuar Mi Pitar Cu Khuai Nih A Henh Nak Ah A Nunnak A Liami

Myanmar ram ,Shan ramkulh Tachileik khuapi ah a cang mi thil a si i, lampawng i thil a zuar mi Daw Nang Hein cu khuai nih a pawng i a um mi a fanu a rak fuh lengmang ruang ah khuai cu a thawl i a mah tu a henh i a hmun ah a thi tiah thawngtheih a si.

Daw Naing Hein le a fanu pahnih cu Tachileik khuapi Pasat veng lampawng ah eidin an zuar tawn. Nai November 14 ah thil an zuar cuahmah lio ah cun an pawng ah khuai a bu in an ra.

A fanu pahnih khuai nih an hel lengmang hna a hmuh ruangah Daw Nang Hein nih cun khuai cu zam ding in a zah hna i khuai nih cun amah zaptu Daw Nang Hein deuh cu a rak henh.

Zei bantuk khuaidah a si timi cu theih a si loh i a tur a fak tuk ruang ah Daw Nang Hein cu a um a nuam lo colh. Curuangah a rianran nak in mawtaw in sizung ah an tlik pi cilh nain lampi ah a nunnak a liam.

Khuai rual nih cun Daw Nang Hein pin ah midang zong an henh hna i sizung ah zohkhenh cuahmah lio an si. Daw Nang Hein cu khuai henh a rak hua tuk i a si lai, a nunnak nih a tuar phah. Midang cu khuai henh a tuar nain, sizung lut loin a tha than mi zong an um. ( The Voice )

Credit : VAPUAL AUAW

Be the first to comment on "Lampawng I Eidin A Zuar Mi Pitar Cu Khuai Nih A Henh Nak Ah A Nunnak A Liami"

Leave a comment

Your email address will not be published.


*


error: Content is protected !!