Lih a chimh hmang mi Iran cu missile in Ukrainian vanlawng kah a si i, minung 176 thihnak kong ah a phuan law law cang

Zaangfah bak a si ko cang, US ralkap minung 80 kan thah an ti, a hnuah lih a si ti theih tthan a si, atu zong Ukrain vanlawng kong ah lih long te an chimh, natein ahnuah cun bia hman an mah lilah nih an chimh than hoi cang. A donghnak ahcun Iran nih Ukrainian Vanlawng  minung 176 thihnak cu Iran ralkap nih an i timh ruangah si lo in an ruahnakleng in thil a kal sual ruangah kah sualmi a si tiah an cohlan cang. Vawlei ram pumpi nih Ukrainian vanlawng cu Iran Missile ruangah a eksident tiah chim hmanhhnaselaw, Iran cozah tu nihcun kan missile ruangah a si lo an ti peng. US le Canada ram tu nihcun intelligence biachimmi an ruahtikah Vanlawng cu Iran missile ruangah a eksident mi a si tiah an zumh an zumh bantukin Iran nih an missile kahmi ruangah a si tiah an cohlan.

Iran khualipi Tehran in an langhtermi cu  Iran ram air defence system he pehtlaiin nawlngeitu hna nih an palh runagah Ukrainian International Airlines cu kah sual a si tiah an chim. Vanlawng eksident ruangah a thimi chungkhar cu kan lungthin dihlakin ka tuarpi hna tiah an chim. Boeing 737 hi Ukrainian International Airlines zohkhenhnak in a servicemi a si. Iran khualipi Airport in a zuan hnu caan tlawmpal ah missile he a i sut ruangah a kang i, pilot nih a rak zuannak Airport lei-ah kir tthan a tim, sihmanhselaw, Airport a phak hlan-ah vawlei-ah a tla i, minung a citmi pawl an thi dih.

Vanlawng hi Ukrainian khualipi Kyiv lei panh in a zuang ding le a kal dingmi a si. Kan chim chia bantukin Vanlawngah hin ram kipin an i cit, Iranian mi 82, canadian mi 57, Ukrainian mi 11 an si tiah Official nih a langhter. Press TV nih a langhtermi pakhat cu Ukrainian Vanlawng hi “sensitive military site” ah a zuan ruangah hi bantuk vanchiatnak hi a ummi a si tiah Iran General Staff, Armed Force nih a chim. Credit: Thlizil

Be the first to comment on "Lih a chimh hmang mi Iran cu missile in Ukrainian vanlawng kah a si i, minung 176 thihnak kong ah a phuan law law cang"

Leave a comment

Your email address will not be published.


*


error: Content is protected !!