Lungthin A Fak Ko Mu Pi Dinthar Cu Faphir A Hrin i Thisen Pek Awk A Um Lo Caah A Celh Tilo i A Faphir Hrinmi Mui Hmu Manh Lo In A Kaltaak Hna

Hi naute pahnih (faphir ) hi Mizoram Phainuam khuami Pi Dinthari nih a thihtak mi hna an si i a thih hlan ah hin faphir ka pawi ti zong a rak i thei lo ti a si . Tutan a fa ngeih dingmi hi a fa pa 5nk ding a si i faphir a hrin caah fa 6 a ngei manh tinak a si .

An mah khua Phainuam khua ah a fa pakhat hi cu a ngeih i , pakhat a ngeih hnu ah hin a dang pakhat a um rih ti an theih caah a ran nak in Vairengte sizung lei ah an tlikpi zokzok than .

Vairengte sizung an phakpi hnu ah cun a nu hi a tha dih ngai cang i a tuar har ngai cang ti a si .Pathian nih a zangfah i Vairengte sizung ah cun a fa pakhat hi tlaung tein a hrimkhawh than . Asi nain a thisen chuakmi a tamtuk caah a nu cu a thadih thluahmah cang i Doctor te nih a ran nak in thise pek a hau an ti hna .

Thisen cu an kawlhawl tuk ko nain an hmuhkhawh lo caah le sizung zong ah thisen pekding an rak i chiah velo caah Kolasib lei ah thisen va la dingin a rannak in mi an thlah hna .

Asi nain vanchiat ah Kolasib lei i thisen la tu an rak kirmanh hlan ah naute nu nih cun a celh tilo i hi vawlei a nunnak in a pasal le a fale si hna seh a ngeihthar mi faphir unau te cu a kal taak riangmang hna .

Ngeihchia a sining hi , thisen cu um seh law a nunnak hi an chanhmanh tuk ding a si i a fale pahnih (faphir) a ngeihmi muisam te zong lunglawm tein a hmuh khawh ve ko hna hnga mu .

Thla 9 chung harsa ngai in a pawi hna hnu ah a hrin ni te ah a fale pahnih te cu an mui hmanh hmu ta manh lo le a fale zong nih a nu hnuk hmanh dingmanh lo.

Ka nu ti kaa khat te zong au manh lo in a nunnak a liam ko cu a pasal le a chungkhar afale caah siseh khuami ca tiang in tuar a har ngai ha chiah hringhran ko .Bawipa tu nih a kaltaak mi a chungkhar an ngeihchiat nak hnem hram ko hna seh .

Source: Mizospecialnews

Be the first to comment on "Lungthin A Fak Ko Mu Pi Dinthar Cu Faphir A Hrin i Thisen Pek Awk A Um Lo Caah A Celh Tilo i A Faphir Hrinmi Mui Hmu Manh Lo In A Kaltaak Hna"

Leave a comment

Your email address will not be published.


*


error: Content is protected !!