MAH a mualpho chin lengmang ko; Nizan Hakha le Kachin ah palek le ralkap thi mi cazing langter si cang.

Nizaan Hakhathar ah CDF-Hakha le SAC Ralkap an i Kap, SAC lei in a Tlawm Bik 4 an Thi. Nizaan sml. 11:20 hrawng ah Hakhathar lamton (၆လမ်းဆုံး) ah CDF-Hakha le SAC ralkap kahdohnak a um tthan i, SAC lei in a tlawm bik minung 4 an thi i a dang 10 leng hliamhma an pu, tiah CDF nih nihin zinglei ah thawng an thanh.

Hakhathar khuami hna zong nih nizaan sml. 11:30 hrawng le 12:00 hrawng ah bomb puah thawng le meithal kah thawngpang pawl kan theih, tiah The Chin Journal ah an chim. KIA nih Mansi Palek Sakhan An Kah, Palek Bawi le kawl ralkap minung 7 an thi tiah Kachin News River nih a langter. Nihin 8 pm tluk ah, Kachin ramkulh, Mansi khua ah Kachin Independence Army (KIA) nih

Palek sakhan an kah i, an Sakhan bawi he minung 7 an thi tiah Kachin News River nih a langter mi cu Khit Thit Media nih a vun tial than. Mansi Palek sakhan cu KIA nih an kah hna hnu ah, Myone Sakhan mi cu a hla in kah mi Sniper kuan nih a khen caah a thi mi an tamnak ruang cu si. Palek sakhan an kah i a thi mi palek bawi hi Manasi Township Police Hlei Htet a si. Cred-Khit Thit Media

Relchap….US nih Atu Kum ah Ralzam 62,500 Lak ding in Timhtuah. US nih 2021 chung ah vawleicung ralzam 62,500 kan lak lai, tiah President Joe Biden nih ralzam laknak kong cathanh ah a langhter.
President hlun Donald Trump chan ah ralzam 15,000 tiang lawng lak ding in a rak tthumh i, cucu American lungput a si lo tiah Biden nih a mawhchiat. 2021 ah ralzam 62,500 lak khawh ding in timhtuah a si i, aralaimi kum ah ralzam 125,000 tiang lak khawh ding in President Biden cozah nih timhtuahnak a ngei. The Chin Journal

Be the first to comment on "MAH a mualpho chin lengmang ko; Nizan Hakha le Kachin ah palek le ralkap thi mi cazing langter si cang."

Leave a comment

Your email address will not be published.


*